Գագիկ Ղազինյան

Գագիկ Սերգեյի Ղազինյան (մարտի 6, 1955(1955-03-06)^[1], Երևան, Հայկական ԽՍՀ, ԽՍՀՄ), հայ իրավաբան։ Իրավաբանական գիտությունների դոկտոր (2000), պրոֆեսոր (2002)։ ՀՀ ԳԱԱ ակադեմիկոս (2014, թղթակից անդամ՝ 2006)^[2]։ ՀՀ վաստակավոր իրավաբան (2003): ՀՀ Արդարադատության խորհրդի անդամ։

Գագիկ Ղազինյան
Ծնվել է	մարտի 6, 1955(1955-03-06)[1] (70 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	ԵՊՀ իրավաբանական ֆակուլտետ
Կոչում	պրոֆեսոր
Գիտական աստիճան	ակադեմիկոս, պրոֆեսոր և իրավաբանական գիտությունների դոկտոր
Մասնագիտություն	իրավաբան
Աշխատատու	Երևանի պետական համալսարան
Պարգևներ և մրցանակներ	և Հայաստանի վաստակավոր իրավաբան

Կրթություն

• 1972-1977 թթ. - սովորել և ավարտել է ԵՊՀ իրավաբանական ֆակուլտետը։
• 1979-1983 թթ. - սովորել և ավարտել է ԵՊՀ իրավաբանական ֆակուլտետի ասպիրանտուրան։ Իրավաբանական գիտությունների թեկնածու (1983)։ Դոցենտ (1987)։
• Իրավաբանական գիտությունների դոկտոր (2000)։ Պրոֆեսոր (2002)։

Աշխատանքային գործունեությունը

• 1983-1987 թթ. - ԵՊՀ իրավաբանական ֆակուլտետի քրեական դատավարության և կրիմինալիստիկայի ամբիոնի դասախոս։
• 1983-1987 թթ. - ԵՊՀ իրավաբանական ֆակուլտետի քրեական դատավարության և կրիմինալիստիկայի ամբիոնի դոցենտ։
• 1989-1991 թթ. - ԵՊՀ իրավաբանական ֆակուլտետի դեկանի տեղակալ։
• 1991-2000 թթ. - ԵՊՀ իրավաբանական ֆակուլտետի քրեական իրավունքի ամբիոնի վարիչ։
• 1996 թվականից - ԵՊՀ իրավաբանական ֆակուլտետի դեկան։
• 1997 թվականից - Հայաստանի Հանրապետության իրավաբանների միության նախագահ։
• 2002 թվականից - ԵՊՀ իրավաբանական ֆակուլտետի մասնագիտական խորհրդի նախագահ։
• 2003 թվականից - Իրավաբանների միջազգային միության փոխնախագահ։
• 2013 թ. սեպտեմբերի 4-ին ՀՀ Նախագահի հրամանագրով նշանակվել է Հայաստանի Հանրապետության Նախագահին առընթեր սահմանադրական բարեփոխումների մասնագիտական հանձնաժողովի անդամ^[3]։
• 2013 թ. սեպտեմբերի 12-ին կողմ՝ 92, դեմ՝ 16 ձայների հարաբերակցությամբ ընդունված Հայաստանի Հանրապետության Ազգային ժողովի որոշմամբ ընտրվել է Հայաստանի Հանրապետության արդարադատության խորհրդի իրավաբան-գիտնական անդամ^[4]։

Պարգևներ և կոչումներ

• Մխիթար Գոշի մեդալ (1999)։
• Հայաստանի Հանրապետության վաստակավոր իրավաբան (2003)։
• ՀՀ ԳԱԱ թղթակից-անդամ (2006)։
• ՀՀ ԳԱԱ ակադեմիկոս (2014)։

Երկեր

• Իրավունք. մարդու իրավունքներ, քաղաքացիական կրթություն, պետություն և իրավունք։ 8-10-րդ դասարաններ։ Մեթոդական ձեռնարկ, Երևան, «Տիգրան Մեծ», 2001 (համահեղինակ)։
• Քրեական դատավարության պատմական և արդի հիմնախնդիրները Հայաստանում, Գագիկ Սերգեյի Ղազինյան, Երևանի համալսարանի հրատարակչություն, 2001։
• Դատարանը և քաղաքացիական դատավարությունը Արևելյան Հայաստանում XIX-XX դարերում։ (Պատմաիրավական հետազոտություն և օրենսդրության իրավահամեմատական վերլուծություն), Երևան, ԵՊՀ հրատարակչություն, 2001 (համահեղինակ)։
• Հայաստանի Հանրապետության դատարանակազմությունը և իրավապահպան մարմինները։ Դասագիրք իրավաբանական բուհերի համար, Երևան, Երևանի պետական համալսարանի հրատարակչություն, 2003։
• Իրավաբանի մասնագիտական հմտությունների դասավանդման հիմնահարցեր։ Ուսումնական ձեռնարկ, Երևան, «Ասողիկ», 2003։
• Ծանրացնող հանգամանքներում կատարված սպանություններ։ Գիտագործնական մեկնաբանություններ, Երևան, Տոներ, 2003 (համահեղինակ)։
• ԵՊՀ իրավաբանական ֆակուլտետի 70-ամյակին նվիրված գիտական աշխատանքների ժողովածու։ Ղազինյան Գագիկ Սերգեյի, Երևանի պետական համալսարան, Երևան, Երևանի համալսարանի հրատարակչություն, 2003։
• Հայաստանի Հանրապետության քրեական իրավունք։ Ընդհանուր մաս։ Դասագիրք իրավաբանական բուհերի համար, 2-րդ հրատարակչություն, փոփոխություններ և լրացումներ, Երևան, Եևանի համալսարանի հրատարակչություն, 2006։
• Կալանավորման հիմնահարցերը Հայաստանի Հանրապետության քրեական դատավարությունում, Երևան, Երևանի համալսարանի հրատարակչություն, 2006 (համահեղինակ)։
• Իրավագիտության արդի հիմնախնդիրները։ Գիտական հոդվածների ժողովածու, Ղազինյան Գագիկ Սերգեյի, Երևան, Եր. համալսարանի հրատարակչություն, 2007։
• Տարեգիրք։ Գ, Երևանի պետական համալսարան, Աստվածաբանության ֆակուլտետ, Երևան, ԵՊՀ հրատարակչություն, 2008 (համահեղինակ)։
• ԵՊՀ իրավագիտության ֆակուլտետի հիմնադրման 75-ամյակին նվիրված գիտաժողովի նյութերի ժողովածու։ Ղազինյան Գագիկ Սերգեյի, Երևան, Երևանի համալսարանի հրատարակչություն, 2008։
• Մինչդատական վարույթի հիմնախնդիրները Հայաստանի Հանրապետության քրեական դատավարությունում։ Գիտագործնական ձեռնարկ, Երևան, ԵՊՀ հրատարակչություն, 2009 (համահեղինակ)։
• Իրավաբանական գիր և վերլուծություն։ Ուսումնական ձեռնարկ, 3-րդ հրատարակություն՝ փոփոխություններով ու լրացումներով, Երևան, ԵՊՀ հրատարակչություն, 2010 (համահեղինակ)։
• Անձի իրավունքների և օրինական շահերի պաշտպանության ապահովումը Հայաստանի Հանրապետության քրեական դատավարության մինչդատական վարույթում։ Երևան, ԵՊՀ հրատարակչություն, 2011 (համահեղինակ)։
• ԵՊՀ իրավագիտության ֆակուլտետի պրոֆեսորադասախոսական կազմի գիտաժողովի նյութերի ժողովածո։ Նվիրված Հայաստանի Հանրապետության անկախության հռչակման 20-ամյակին, Ղազինյան Գագիկ Սերգեյի, Երևանի պետական համալսարան, Երևան, ԵՊՀ հրատարակչություն, 2012։
• Իրավագիտության ֆակուլտետը 80 տարեկան է։ Երևանի պետական համալսարան, Երևան, ԵՊՀ հրատարակչություն, 2013 (համահեղինակ)։
• Հայոց իրավունքի պատմության հիմնահարցերը։ Հին շրջանից մինչև մեր օրերը, Երևան, ԵՊՀ հրատարակչություն, 2014 (համահեղինակ)։
• ԵՊՀ իրավագիտության ֆակուլտետի ասպիրանտների և հայցորդների 2014 թվականի նստաշրջանի նյութերի ժողովածու։ Ղազինյան Գագիկ Սերգեյի, Իրավագիտության ֆակուլտետ ԵՊՀ -- (Երևան, ԵՊՀ իրավագիտության ֆակուլտետի ասպիրանտների և հայցորդների նստաշրջան 2014), Երևան, ԵՊՀ հրատարակչություն, 2015։
• ԵՊՀ իրավագիտության ֆակուլտետի պրոֆեսորադասախոսական կազմի գիտաժողովի նյութերի ժողովածու։ Նվիրվում է Հայաստանի Հանրապետության սահմանադրությունը ընդունելու 20-ամյակին։ (8 դեկտեմբերի 2015 թվական), Ղազինյան Գագիկ Սերգեյի, Երևան, ԵՊՀ հրատարակչություն, 2016։
• Գիտական աշխատությունների ժողովածու։ Երևան, ԵՊՀ հրատարակչություն, 2016 (համահեղինակ)։