Դեֆանս

Դեֆանս (ֆր.՝ La Défense), բնակելի և բիզնես թաղամաս Փարիզի արվարձանում՝ Օ-դը-Սեն թաղամասում։ Եվրոպայի գործարար ամենամեծ կենտրոնն է^[1]։ Այն անվանում են նաև « Փարիզի Մանհեթեն»։ Դեֆանսում ապրում է 20.000 մարդ, և ամեն օր աշխատանքի է գալիս 150.000 ծառայող 1.500 կազմակերպություններում ու ընկերություններում աշխատելու համար։

Դեֆանս թաղամասի համայնապատկերը Հաղթանակի կամարից

Թաղամասի կառուցումը սկսվել է 1955 թվականին։ Գրասենյակային առաջին կենտրոնը բացվել է 1958 թվականին։ Այժմ Դեֆանսում գտնվում են տարբեր բանկերի, ապահովագրական ընկերությունների գրասենյակային շենքերը։ Առավել տպավորիչ են Areva, Manhattan, Gan, CNIT շենքերը։ Դեֆանսի ամենահայտնի կառույցը Դեֆանսի մեծ կամարն է՝ Հաղթանակի կամարի ժամանակակից տարբերակը։

Թվեր և փաստեր

• Դեֆանսը բաժանված է 12 մասերի։
• Գրասենյակային մակերեսը 3.500.000մ² է։
• Ներկայացված են 1.500 ընկերություններ. 14-20-ը ֆրանսիական խոշոր ընկերություններ են, 15-50-ը՝ համաշխարհային հռչակավոր կազմակերպություններ։
• Աշխատում է 150.000 ծառայող, որից 20.000-ը ապրում է Դեֆանսում։
• Առևտրային կենտրոնների, խանութների մակերեսը 210.000 մ² է։
• Կա հյուրանոցային 2.600 համար։
• 11 հեկտար կանաչապատ տարածություն կա։
• 90.000մ² ճանապարհ կա, որից ծածկված՝ 60.000մ²։
• Տեղադրված է ժամանակակից արվեստի 60 հուշարձան ու քանդակ։

Դեֆանսի՝ 90մ և ավելի բարձրություն ունեցող շենքեր

Համարը բարձրությամբ	Անվանում	Կառուցման տարեթիվ	Նշանակություն	Բարձրություն		Հարկերի քանակ	Քաղաք[2]
				մետրերով	ֆուտերով
1	Tour First (ex AXA, ex Assur)	1974/2011	գրասենյակներ	231	758	52	Կուրբևուա
2	Tour Majunga	2014	գրասենյակներ	193	636	47	Պյուտո
3	Tour Total	1985	գրասենյակներ	187	614	48	Կուրբևուա
4	Tour T1 (GDF Suez)	2008	գրասենյակներ	185	607	37	Կուրբևուա
5	Tour Areva	1974	գրասենյակներ	184	604	44	Կուրբևուա
6	Tour Granite (Société Générale)	2008	գրասենյակներ	183	600	37	Նանտեր
7	Tour Gan	1974	գրասենյակներ	179	587	42	Կուրբևուա
8	Tour D2	2014	գրասենյակներ	171	561	37	Կուրբևուա
9	Tour Alicante (Société Générale)	1995	գրասենյակներ	167	548	37	Նանտեր
	Tour Chassagne (Société Générale)	1995	գրասենյակներ	167	548	37	Նանտեր
11	Tour EDF	2001	գրասենյակներ	165	541	41	Պյուտո
12	Tour Carpe Diem	2013	գրասենյակներ	162	531	38	Կուրբևուա
13	Cœur Défense	2001	գրասենյակներ	161	528	40	Կուրբևուա
14	Tour Adria (Technip)	2002	գրասենյակներ	155	509	40	Կուրբևուա
	Tour Égée (Ernst&Young)	1999	գրասենյակներ	155	509	40	Կուրբևուա
16	Tour Ariane	1975	գրասենյակներ	152	499	36	Պյուտո
17	Tour CBX	2005	գրասենյակներ	142	466	36	Կուրբևուա
18	Tour Europlaza	1995	գրասենյակներ	135	443	31	Կուրբևուա
19	Tour Défense 2000	1974	բնակարաններ	134	440	47	Պյուտո
20	Tour Descartes (IBM)	1988	գրասենյակներ	130	427	40	Կուրբևուա
21	Tour Les Poissons	1970	խառը	129,5	425	42	Կուրբևուա
22	Tour France	1973	բնակարաններ	126	413	40	Պյուտո
23	Tour Franklin	1972	գրասենյակներ	120	394	33	Պյուտո
24	Tour Sequoia (Bull, Cegetel, SFR)	1990	գրասենյակներ	119	390	33	Պյուտո
	Tour Winterthur	1973	գրասենյակներ	119	390	33	Պյուտո
26	Tour Michelet (Total)	1985	գրասենյակներ	117	384	34	Պյուտո
	Tour CB16	2003	գրասենյակներ	117	384	32	Կուրբևուա
28	Tour Neptune	1972	գրասենյակներ	113	371	28	Կուրբևուա
	Préfecture des Hauts-de-Seine	1974	գրասենյակներ	113	371	25	Նանտեր
30	Grande Arche	1989	հուշարձան, գրասենյակներ	110	361	37	Պյուտո
	Tour Manhattan	1975	գրասենյակներ	110	361	32	Կուրբևուա
	Tour Aurore	1970	գրասենյակներ	110	361	29	Կուրբևուա
33	Tour Eve	1975	խառը	109	358	30	Պյուտո
	Tour Initiale	1967	գրասենյակներ	109	358	30	Պյուտո
35	Tour Nuage 1, Tours Aillaud	1976	բնակարաններ	105	344	39	Նանտեր
	Tour Nuage 2, Tours Aillaud	1976	բնակարաններ	105	344	39	Նանտեր
37	Tour Gambetta	1975	բնակարաններ	104	341	37	Կուրբևուա
38	Tour Cèdre	1998	գրասենյակներ	103	338	26	Կուրբևուա
39	Tour Opus12	1973	գրասենյակներ	100	328	27	Պյուտո
	Tour Athéna	1984	գրասենյակներ	100	328	25	Պյուտո
41	Tour Europe	1969	գրասենյակներ	99	325	28	Կուրբևուա
	Tour AIG	1967	գրասենյակներ	99	325	27	Կուրբևուա
43	Tour Prisma (Tour Kvaerner)	1998	գրասենյակներ	97	318	25	Կուրբևուա
44	Tour Atlantique	1970	գրասենյակներ	95	312	27	Պյուտո
	Tour Pascal	1983	գրասենյակներ	95	312	27	Պյուտո
46	Tour Pacific	1992	գրասենյակներ	90	295	25	Պյուտո

Պատմություն

La Défense de Paris («Փարիզի պաշտպանություն») հուշարձանը

«Դեֆանս» անունը առաջացել է La Défense de Paris («Փարիզի պաշտպանություն») հուշարձանի անունից, որը տեղադրվել է պրուս-ֆրանսիական պատերազմի ժամանակ քաղաքը պաշտպանած զինվորների պատվին։ Այն բրոնզե քանդակ է, որի հեղինակը Լուի-Էռնեստ Բարիասն է։

Բլուրը, որի վրա գտնվում է Դեֆանսի մեծ կամարը, նախկինում կոչվել է Chantecoq («Աքաղաղների երգ»)։ Դեռևս Լյուդովիկոս 15-րդի օրոք Փարիզի պատմական առանցքը զբոսուղու տեսքով ձգվեց ներկայիս Ելիսեյան դաշտերի տեղում, սակայն մինչև 19-րդ դարը բլրի վրա հողմաղաց էր գտնվում։ Դեֆանսի շինարարությունը սկսվեց EPAD-ի (Etablissement Public d’Amenagement de la Défense) հիմնադրումից հետո։ EPAD-ի խնդիրն էր բեռնաթափել Փարիզի գործարար կենտրոնը (Հաղթական կամարի շրջանը) և զարգացնել ենթակառուցվածքները։ 1958 թվականին Դեֆանսի բլրին կառուցվեց առաջին շենքը՝ CNIT (Centre National des Industries et Technologies) ցուցասրահի հետ։

1963 թվականին սկսեցին նշմարվեցին նոր թաղամասի հստակ ուրվագծերը։ Գրասենյակային տարածքների մակերեսը կազմեց 800.000մ²։ 1970 թվականին ավարտվեց հինգ երկնաքերների կառուցումը՝ Esso, Nobel, Aquitaine, Europe և Aurore: Նույն թվականին իրականացվեց նաև Դեֆանսը քաղաքի կենտրոնին կապող ճեպընթաց գնացքի (RER-Réseau Express Régional d'Île-de-France) կառուցումը։

1970-ական թվականներին բնապահպանական և տնտեսական որոշ հարցերի պատճառով փոքր-ինչ դանդաղեց Դեֆանսի կառուցումը։ Երբ պարզ դարձավ, որ նոր երկնաքերները աղավաղում են Ելիսեյան դաշտերի հեռանկարը, 1972 թվականին բարձրացավ բողոքի ալիք։ Վարչապետ Վալերի Ժիսկար դ'Էստենը, որ արդեն նախագահ դառնալու շեմին էր, դեմ է արտահայտվում թաղամասի կառուցման գաղափարին։ Բացի այդ՝ 1973 թվականի նավթային ճգնաժամը հանգեցրեց ծրագրի ընդհատմանը։ 1978 թվականին Ռայմոն Բարի կառավարությունը որոշեց շարունակել շինարարությունը։

Ներկայումս կառուցվում են նոր սերնդի բարձրահարկեր, որոնք առավել ցածր են։ 1983 թվականի «Դեֆանսի դեմքը» մրցույթից հետո սկսվեցին ճարտարապետ՝ Յոհան Օտտո ֆոն Սփրեկելսենի (Johann Otto von Spreckelsen) նախագծած Դեֆանսի մեծ կամարի կառուցման աշխատանքները։

«La Défense 2006—2015»-ի նոր դարաշրջանը

2005 թվականին EPAD-ի ներկայացուցիչ Բեռնար Բլեդը հայտարարեց Դեֆանսի կառուցման 2006-2015 թվականների ծրագիրը (La Défense 2006—2015)։ Նախագիծը մշակված էր 9 տարվա համար։ Այն ներառում էր 850.000մ² մակերեսով գրասենյակային և 100.000մ² մակերեսով բնակարանային տարածքների, 300մ-ից ավելի բարձրություն ունեցող չորս երկնաքերների (Tour Signal, Tour Generali, Tour Phare, Hermitage Plaza) կառուցում, ինչպես նաև արդեն կառուցված շենքերի վերակառուցում։ 2008 թվականին ավարտվեց Tour Granite և Tour T1 շենքերի կառուցումը։

2015 թվականին հետաձգվեց Tour Signal և Tour Generali երկնաքերների կառուցումը, իսկ Tour Phare երկնաքերի նախատեսված բարձրությունը նվազեցվեց 296մ-ի։ Երկարաձգվեցին շենքերի կառուցման վերջնաժամկետները. Tour Phare - 2018 թվական, Hermitage Plaza - 2020 թվական։

Դեֆանսի համայնապատկեր