Դիանա Գրիգորյան

Դիանա Գոռի Գրիգորյան (Լուստրա)(ապրիլի 11, 1982(1982-04-11)), հայ հաղորդավար, սցենարիստ, պրոդյուսեր^[1]։

Անվան այլ կիրառումների համար տե՛ս՝ Դիանա Գրիգորյան (այլ կիրառումներ)

Վիքիպեդիայում կան հոդվածներ Գրիգորյան ազգանունով այլ մարդկանց մասին։

Դիանա Գոռի Գրիգորյան
Ծնվել է	ապրիլի 11, 1982(1982-04-11) (43 տարեկան)
Քաղաքացիություն	Հայաստան
Մասնագիտություն	սցենարիստ, հեռուստատեսային դեմք և կինոռեժիսոր
Աշխատատու	Արմենիա Թի-Վի
Diana Grigoryan Վիքիպահեստում

Կենսագրություն

1998 թվականին ավարտել է Երևանի թիվ 82 միջնակարգ դպրոցը։ 1998-2003 թվականներին սովորել է Երևանի Հրաչյա Աճառյան համալսարանում` իրավագիտություն բաժնում։

1999 թվականից մինչև այսօր աշխատաում է «Արմենիա» հեռուստաընկերությունում, որտեղ իրականացրել է բազմաթիվ հեղինակային հաղորդումներ և վարել, նկարահանել ֆիլմեր, հանդիսացել ամենավարկանիշային սերիալների սցենարների հեղինակը, ինչպես նաև պրոդյուսերը։

1999-2003 թվականներին հեղինակել և վարել է «Բումերանգ» երաժշտական, ժամանցային հաղորդաշարը^[2]։ 2004-2008 թվականներին հեղինակել և վարել է  «Իմ մեծ, չաղ, հայկական հարսանիքը» հաղորդաշարը։ 2013 թվականին հեղինակել և վարել է «Փակագծերից դուրս» հեռուստաշոուն։ 2015 թվականին հեղինակել և վարել է «Հայի աչքեր» բարեգործական հեռուստաշոուն^[3]։ 2019 թվականից հեղինակել և վարել է «Իմացիր ավելին^[4]» հեռուստաշոուն^[5]։

Քննադատություններ

Հեղինակային հեռուստասերիալների բովանդակության պատճառով Դիանա Գրիգորյանի անձը հաճախակի հայտնվում է հանրության քննադատությունների կենտրոնում։ Գրիգորյանի սցենարով ցուցադրված հեռուստասերիալները հաճախակի աչքի են ընկնում սպանության, ծեծի, հայհոյանքի, սեռական խտրականության և այլ բնույթի տեսարաններով և, ըստ քննադատների, որևէ ուսուցողական բնույթ չունեն^[6][7][8]։ Գրիգորյանին քննադատում են նաև այն հանգամանքի համար, որ վերջինս հաճախ իր հեղինակային սերիալներում նկարահանվելու է հրավիրում դերասանական կրթություն չունեցող անձանց^[6]։

Ֆիլմագրություն

• «Ճակատագրի գերիները», 2007-2008
• «Շփացած խելագարները», 2009
• «Դիմակահանդես», 2009-2010
• «Դժվար ապրուստ», 2011-2013
• «Հարազատ թշնամի», 2013-2015
• «Առաջնորդները», 2015-2017
• «Նռան հատիկ», 2017-2019
• «Գտնված երազ», 2019
• «Անհասցե ծնվածները», 2019-2020
• «Սարի աղջիկ» 2020-2021
• «Երդում» 2021-2022
• «Կույր աշխարհ» 2022-2023
• «Մոխրոտի երազները» 2023-2024
• «Վերջին զանգ» 2025