Լասլո Բիրո

Լասլո Բիրո (հունգ.՝ Bíró László, սեպտեմբերի 29, 1899(1899-09-29)^[1], Բուդապեշտ, Ավստրո-Հունգարիա^[2] - հոկտեմբերի 24, 1985(1985-10-24)^[3][4][1], Տուկուման, Արգենտինա^[2]), հունգարացի լրագրող, գնդիկավոր գրիչի գյուտարարը։

Լասլո Բիրո László Bíró
Ծնվել է	սեպտեմբերի 29, 1899(1899-09-29)[1]
Ծննդավայր	Բուդապեշտ, Ավստրո-Հունգարիա[2]
Մահացել է	հոկտեմբերի 24, 1985(1985-10-24)[3][4][1] (86 տարեկան)
Մահվան վայր	Տուկուման, Արգենտինա[2]
Քաղաքացիություն	Հունգարիա
Մայրենի լեզու	հունգարերեն
Կրոն	լյութերականություն
Մասնագիտություն	գյուտարար, լրագրող և քանդակագործ
Պարգևներ և մրցանակներ	Ազգային գյուտարարների փառքի սրահ [5]
Ստորագրություն
László József Bíró Վիքիպահեստում

Կենսագրություն և փաստեր

Լասլո Բիրոն ծնվել է Բուդապեշտում հրեայի ընտանիքում։ 1938 թվականին տեղափոխվել է Ֆրանսիա՝ բնակվելով Փարիզում, իսկ 1943 թվականին մեկնել է Արգենտինա և հաստատվել այնտեղ։

Բիրոն մասնագիտությամբ լրագրող էր, նաև զբաղվում էր նկարչությամբ։ Բիրոն եղբոր՝ մասնագիտությամբ քիմիկոս Գեորգիի հետ ստեղծում է գրիչի նոր տեսակ, որի շարժման ժամանակ ծայրը գլորվում էր և հավասարաչափ թանաքը բաշխում թղթի վրա։ 1943 թվականի հունիսի 10-ին նա իր գյուտի համար ստանում է արտոնագիր։

Կարծիք կա, որ Լասլո Բիրոն գրիչը ստեղծել է Բրիտանական ռազմաօդային ուժերի պատվերով։ Զինվորականները ցանկանում էին ունենալ նոր գրիչ, որը կգրեր ցանկացած բարձրության վրա՝ անկախ մթնոլորտի ճնշումից։

Բիրոյի ծննդյան օրը Արգենտինայում նշվում է որպես գյուտարարի օր։ Գնդիկավոր գրիչները այդ երկրում Բիրոյի պատվին կոչվում են «բիրոմե»։