Լոռու մարզպետարան

Հայաստանի Լոռու մարզում պետական կառավարումը իրականացվում է Հայաստանի Լոռու մարզպետի կողմից, մարզպետի աշխատակազմի միջոցով, իրագործում է Հայաստանի կառավարության տարածքային քաղաքականությունը եվ համակարգում հանրապետական գործադիր մարմինների տարածքային ծառայությունների գործունեությունը։

Հայաստանի Լոռու մարզպետարանի կառուցվածքը

Մարզպետի աշխատակազմն իր գործունեությունն իրականացնում է Հայաստանի Հանրապետության օրենսդրությանը եւ այլ իրավական ակտերին համապատասխան։ Մարզպետի աշխատակազմը կազմված է մարզպետից, մարզպետի տեղակալներից, գլխավոր քարտուղարից, մարզպետի խորհրդականներից, մարզպետի օգնականներից ու օժանդակ ստորաբաժանումներից: Մարզպետի աշխատակազմի կառուցվածքում ներառվում են նրա կառուցվածքային ստորաբաժանումները (7 վարչություններ, 8 բաժիններ ) եւ առանձնացված ստորաբաժանումները։ Մարզպետիաշխատակազմի համակարգում ընդգրկվում են պետական ոչ առեւտրային կազմակերպություններ, հիմնարկներ եւ մարզային ենթակայության այլ կազմակերպություններ։

ՀՀ Լոռու մարզպետարանի աշխատակազմի ներքին գործավարության կարգը սահմանվում է ՀՀ Լոռու մարզպետի 2014թ. փետրվարի 4-ի թիվ 30 -Ն որոշմամբ:  ^[1]

Հայաստանի Լոռու մարզպետարանի հաստիքները

Մարզպետի աշխատակազմն ունի 112 հաստիք, որոնցից՝ 94-ը քաղաքացիական ծառայողներ, 11-ը մարզպետի աշխատակազմ եւ 7-ը տեխնիկական աշխատողներ։ Մարզպետի աշխատակազմի վերակազմակերպման եւ նրա գործունեության դադարման կարգն ու պայմանները սահմանվում են օրենքով։

Ղեկավարությունը

Մարզպետ՝

• Արամ Ղազարյան

Տեղակալ՝ Գոռ Ասրյան,

Հովհաննես Ավետիսյան