Կարապետ Սիմոնյան

Կարապետ Սիմոնի Սիմոնյան (հունիսի 6, 1918(1918-06-06), Թիֆլիս, Վրաստանի Դեմոկրատական Հանրապետություն^[1] - դեկտեմբերի 12, 1983(1983-12-12), Թբիլիսի, Վրացական ԽՍՀ, ԽՍՀՄ), հայ զինվորական, Խորհրդային Միության հերոս (1940), մայոր, ԽՄԿԿ անդամ (1942)։

Վիքիպեդիայում կան հոդվածներ Սիմոնյան ազգանունով այլ մարդկանց մասին։

Կարապետ Սիմոնյան
հունիսի 6, 1918(1918-06-06) - դեկտեմբերի 12, 1983(1983-12-12) (65 տարեկան)
Ծննդավայր	Թիֆլիս, Վրաստանի Դեմոկրատական Հանրապետություն[1]
Մահվան վայր	Թբիլիսի, Վրացական ԽՍՀ, ԽՍՀՄ
Քաղաքացիություն	ԽՍՀՄ
Զորատեսակ	տանկային զորքեր[1]
Կոչում	մայոր[1]
Մարտեր/ պատերազմներ	Խորհրդա-ֆիննական պատերազմ[1] և Հայրենական մեծ պատերազմ[1]
Կրթություն	Թբիլիսիի հրետանային բարձրագույն հրամանատարական ուսումնարան (1942)[1]
Պարգևներ	և

Ավարտել է Թբիլիսիի հրետանային ուսումնարանը (1942 թ.)։ 1938 թ.-ին զորակոչվել է կարմիր բանակ, 1939—1940 թթ.-ին մասնակցել է խորհրդա-ֆիննական պատերազմին («Ձմեռային պատերազմ»)։ Եղել է տանկի հրաձիգ-ռադիստ։ Հերոսի կոչման արժանացել է Մաններհայմի գծի ամրությունների ճեղքման ժամանակ (1939 թ.-ի դեկտեմբեր) «ցուցաբերած խիզախության և արիության համար»։ Հայրենական մեծ պատերազմում կռվել է Հյուսիսային Կովկասի պաշտպանների շարքերում, ապա ծառայել հրամանատարական կադրեր պատրաստող զորամասերից մեկում։