Կարեն Եպպե

Կարեն Եպպե (դան.՝ Karen Jeppe, հուլիսի 1, 1876(1876-07-01)^[1], Gylling, Odder Municipality, Դանիա - հուլիսի 7, 1935(1935-07-07)^[1], Հալեպ, Սիրիա), դանիացի միսիոներ և սոցիալական աշխատող։ 1903 թվականից մինչև մահ՝ 1935 թվականը զբաղվել է Հայոց ցեղասպանությունից խույս տված հայ գաղթականներին օգնություն ցույց տալով։ Փրկված հայերից շատերին թաքցրել է իր տան նկուղում։ Առաջին համաշխարհային պատերազմից հետո մեկնում է Հալեպ, իր հետ տանելով նաև ցեղասպանությունից խույս տված բազմաթիվ հայերի։ Սկսած 1921 թվականից զբաղվել է 20-ից 30 000 առևանգված հայ կանանց և երեխաներին ետ վերադարձնելու առաքելությամբ։ Եպպեին հաջողվել է մուսուլմանների հարեմներից ազատ արձակել մոտ 2000 հայ կնոջ^[2]։

Կարեն Եպպե Karen Jeppe
Ծնվել է	Հուլիսի 1, 1876
Ծննդավայր	Գիլինգ, Աարհուս շրջան, Դանիա
Մահացել է	Հուլիսի 7, 1935 (59 տարեկան)
Մահվան վայր	Հալեպ, Սիրիա
Գերեզման	Հալեպ
Քաղաքացիություն	Դանիա
Ազգություն	Դանիացի
Կրոն	Քրիստոնեություն
Մասնագիտություն	սոցիալական աշխատող և միսիոներուհի
Աշխատանք	Միսիոներ, սոցիալական աշխատող
Պարգևներ և մրցանակներ
Karen Jeppe Վիքիպահեստում

Մահացել է Հալեպում՝ մալարիայից։ Աճյունը հանգչում է հենց Հալեպում։ Եպպեի հուղարկավորության ժամանակ հայոց արքեպիսկոպոսը նրան անվանում է «իր սիրելի քույր, ով իր սեփական անձը զոհեց հազարավոր մարդկանց համար» ^[2]: