Կոմբինատորային տրամաբանություն

Կոմբինատորային տրաբանություն, արդի տրամաբանության ուղղություն։

Ուսումնասիրում է տրամաբանության այն հիմնական հասկացություններն ու մեթոդները, որոնք ձևական տրամաբանական համակարգերի կառուցման ժամանակ սովորաբար դիտվում են որպես պարզաբանման կարիք չզգացող և չեն վերլուծվում։ Այս տեսակետից կոմբինատորային տրամաբանության մեջ հատուկ ուշադրություն է դարձվում փոփոխականի, ֆունկցիայի, բազմության հասկացությունների, տեղադրման կանոնի և տրամաբանական անտինոմիաների վերլուծությանը։ Կոմբինատորային տրամաբանության պատմությունը սկսվում է խորհրդային մաթեմատիկոս Մ. Ի. Շեյնֆինկելի ուսումնասիրություններով (1924); Նրա զարգացմանը նպաստել են Հ. Քարին, Ա. Չորչը, Ս. Կլինին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 534)։