Կորյուն Սիմոնյան

Կորյուն Ստեփանի Սիմոնյան (1912^[1], Արդահան, Կարսի մարզ, Կովկասյան երկրամաս, Ռուսական կայսրություն^[1] - 1943^[1]), հայ խորհրդային նկարիչ։ Հայրենական մեծ պատերազմի մասնակից։

Վիքիպեդիայում կան հոդվածներ Սիմոնյան ազգանունով այլ մարդկանց մասին։

Կորյուն Սիմոնյան
Ծնվել է	1912[1]
Ծննդավայր	Արդահան, Կարսի մարզ, Կովկասյան երկրամաս, Ռուսական կայսրություն[1]
Վախճանվել է	1943[1]
Ազգություն	հայ
Քաղաքացիություն	Ռուսական կայսրություն և  ԽՍՀՄ
Կրթություն	«Գեղարդ» գեղարվեստաարդյունաբերական տեխնիկում (1930)[1]
Մասնագիտություն	նկարիչ
Կորյուն Սիմոնյան Վիքիդարանում

Կենսագրություն

1930 թվականին ավարտել է Երևանի գեղարվեստի ուսումնարանը (1938-1940 թվականներին դասավանդել է նկարչություն), 1937 թվականին՝ Լենինգրադի գեղարվեստի ակադեմիան։ Ստեղծել է բնանկարներ, դիմանկարներ, թեմատիկ կոմպոզիցիաներ («Ինքնանկար», «Արածող ոչխարներ», 1940, «Արարատ», 1940, «Պարտիզաններ», 1940, «Հանդիպում», 1942, բոլորը՝ Հայաստանի պետական պատկերասրահում)։ Սիմոնյանն առաջիններից էր սովետահայ գեղանկարչության մեջ, որ դիմել է պատմական թեմատիկային («Յուսուֆի սպանությունը», 1938-1940)։ Սիմոնյանի արվեստին բնորոշ է կյանքի խոր արտացոլումը, հյութեղ, զուսպ գունահարաբերումները, ռեալիզմը։ 1932 թվականից Սիմոնյանը մասնակցել է հանրապետական ցուցահանդեսներին։ Զոհվել է Հայրենական Մեծ պատերազմում։