Հետնորդները 3

«Հետնորդները 3» (անգլ.՝ Descendants 3), ամերիկյան մյուզիքլ, ֆանտաստիկ հեռուստատեսային ֆիլմ։ Ֆիլմը պատմում է «Հետնորդների» երևակայական աշխարհում դեռահասների կյանքի և արկածների մասին՝ շարունակելով «Հետնորդները» և «Հետնորդները 2» ֆիլմերի սյուժեն։ Ֆիլմի սցենարը գրել են Սառա Պարիոթը և Ջոսան Մաքգիբբոնը, իսկ ռեժիսորը եղել է Քենի Օրտեգան։ Ֆիլմի պրեմիերան կայացել է 2019 թվականի օգոստոսի 2-ին Disney Channel հեռուստաալիքով^[2][3]։

Հետնորդները 3 անգլ.՝ Descendants 3
Երկիր	ԱՄՆ
Ժանր	երաժշտական ֆիլմ, մարտաֆիլմ և ֆիլմ անչափահասների համար
Թվական	օգոստոսի 2, 2019 և հոկտեմբերի 26, 2019[1]
Լեզու	անգլերեն
Ռեժիսոր	Քեննի Օրտեգա
Սցենարի հեղինակ	Ջոսան ՄակԳիբոն և Սառա Փերիոթ
Դերակատարներ	Դավ Քամերոն, Սոֆյա Քարսոն, Բուբու Ստյուարտ, Քամերոն Բոյս, Միթչել Հոուփ, Չայնա Էնն ՄակՔլեյն, Թոմաս Դոհերթի, Դիլան Փլեյֆեյր, Սառա Ջեֆրի, Ջեդիդայա Գուդաքր, Բրեննա դ'Ամիքո, Զաքարի Գիբսոն, Աննա Քեթքարթ, Քիգան Քոնոր Թրեյսի, Դեն Փեյն, Մելանի Փաքսոն, Ջուդիթ Մաքսի և Շայեն Ջեքսոն
Երաժշտություն	Դևիդ Նեսիմ Լոուրենս
Մոնտաժ	Դոն Բրոշու
Կինոընկերություն	Ուոլթ Դիսնեյի հեռուստատեսություն
Տևողություն	108 րոպե
Նախորդ	Հետնորդները 2
Հաջորդ	Descendants: The Rise of Red?

Սյուժե

Երբ Բենն ու Մելը հայտարարում են իրենց նշանադրության մասին, Օդրին սկսում է խանդել և որոշում է վրեժխնդիր լինել Մելից՝ տիրանալով նրա մոր՝ Մալեֆիսենտայի գավազանին։ Օդրիի պլաններին խանգարելու համար Մելը պետք է դիմի հոր՝ Հադեսի օգնությանը, որը լքել է իրեն շատ տարիներ առաջ։

Դերերում

Դերասան	Դեր
Դավ Քամերոն	Մել, Մել, Մալեֆիսենտայի ու Հադեսի դուստրը[4]
Սոֆյա Քարսոն	Իվի, Իվի, Չար թագուհու դուստրը[4]
Քամերոն Բոյս	Կարլոս Դի Վիլ, Կարլոս Դի Վիլ, Քրուել Դի Վիլի որդին[4]
Բու Բու Ստյուարտ	Ջեյ, Ջեյ, Ջաֆարի որդին[4]
Միտչել Հոուպ	Բեն, Բեն, Բելլի և Հրեշի որդին[4]
Չայնա Էն Մաքքլեյն	Ումա, Ումա, Ուրսուլայի դուստրը[4]
Թոմաս Դոերթի	Գարրի Հուք, Գարրի Հուք, Կապիտան Հուքի որդին[5]
Դիլան Փլեյֆեյր	Գիլ Լե Գյում, Գիլ Լե Գյում, Գաստոն Լե Գյումի որդին[6]
Զաքարի Գիբսոն	Դագ[5] Դագ[5]
Բրենն Դ'Ամիկո	Ջեյն, Ջեյն, Կնքամայր փերու դուստրը[5]
Սառա Ջեֆրի	Օդրի, արքայադուստր Օդրի, Ավրորայի և արքայազն Ֆիլիպի դուստրը[6]
Աննա Քենքարթ	Դիզի Թրեմեյն, Դիզի Թրեմեյն, Դրիզելլա Թրեմեյնի դուստրը][7]
Ջադա Մարի	Սելիա Ֆեսիլյո, Սելիա Ֆեսիլյո, Բժիշկ Ֆեսիլյոյի դուստրը[7][8]
Դեն Փեյն	Հրեշ[9][10] Հրեշ[9][11]
Քիգան Քոննոր Թրեյսի	Բելլ[9] Բելլ[9]
Մելանի Թաքսոն	Կնքամայր փերի[9] Կնքամայր փերի[9]
Ջուդիթ Մաքսի	Թագուհի Լիա[12] Թագուհի Լիա[12]
Ջեդիդիա Գուդաքր	Չեդ Գեղեցիկ Չեդ Գեղեցիկ Մոխրոտի ու արքայազնի որդին[7][8]
Ջեյմաս Սիմս	բժիշկ Ֆասիլյո[7][8] բժիշկ Ֆասիլյո[7][8]
Շայենն Ջեքսոն	Հադես[9][13] Հադես[9][13]
Քրիստիան Քոնվերի	Մռթմռթան, Մռթմռթան, Սմիի երկվորյակ որդիներից մեկը[9][12]
Լյուկ Ռոսսլեր	Չարաճճի, Չարաճճի, Սմիի երկվորյակ որդիներից մեկը[9][12]

Արտադրություն

«Հետնորդները 3» ֆիլմի պրոդյուսերը եղել են Սառա Պարիոթը և Ջոսան Մաքգիբբոնը, իսկ ռեժիսորն ու գործադիր պրոդյուսերը՝ Քենի Օրտեգան^[4]։ Վենդի Ջաֆեթը դարձել է ֆիլմի պրոդյուսերներից մեկը^[5] Օրտեգայի, Սառայի, Մաքգիբոնի հետ միասին^[9]։ Մարկ Հոֆելինգն ու Կարա Սաունը վերադարձել են որպես համապատասխանաբար պրոդյուսեր և զգեստների դիզայներ^[5]։ Ջամալ Սիմսը հանդես է եկել որպես ֆիլմի պարուսույց^[7][8] Օրտեգայի հետ միասին, որը եղել է «Հետնորդները» երեք ֆիլմերի խորեոգրաֆ^[4]։

Փորձերը և նկարահանումներն սկսվել են 2018 թվականի ապրիլի 23-ին Կանադայում՝ Կոլումբիայի Վանկուվեր քաղաքում^[5]։ Արտադրությունն սկսվել է 2018 թվականի մայիսի 25-ին^[14]։ 2018 թվականի հուլիսի 18-ին սոցցանցերում հաղորդվել է, որ ֆիլմի արտադրությունը «պաշտոնապես ավարտվել է»^[15]։ Այս ֆիլմը «Հետնորդները» ֆրանշիզայի վերջին ֆիլմն է^[16]։

Առաջին թրեյլերը ցուցադրվել է փետրվարի 24-ին։

«Հետնորդները 3» ֆիլմը եղել է վերջինը Քամերոն Բոյսի համար, որը մահացել է 2019 թվականի հուլիսի 6-ին^[17][18]։

Թողարկում

Ֆիլմի որոշ գովազդային կադրեր թողարկվել են Disney Descendants YouTube-ի ալիքում 2018 թվականի փետրվարին՝ որպես թիզեր կամ ի սկզբանե դիտարկվել են արտադրության համար^[19]։ Ֆիլմի պաշտոնական պրեմիերան նախատեսվել է 2019 թվականի օգոստոսի 2-ին^[4]։

Ֆիլմի հետ կապված «Under the Sea.The Descendants Short Story» կարճամետրաժ ֆիլմը, որում ներկայացված են Մելը և Ուման «էպիկական ստորջրյա բացահայտմամբ», թողարկվել է 2018 թվականի սեպտեմբերի 28-ին^[20][21]։

2019 թվականի հուլիսի 11-ին Դիսնեյը հայտարարել է, որ Քեմերոն Բոյսի մահված պատճառով չեղյալ է հայտարարում կարմիր գորգի պրեմիերան, որն ի սկզբանե նախատեսված էր 2019 թվականի հուլիսի 22-ին։ Ֆիլմի հեռուստատեսային պրեմիերան կայացել է Բոյսի հիշատակին նվիրված ժամանակացույցի համաձայն^[22]։

Վարկանիշներ

2019 թվականի օգոստոսի 2-ին «Հետնորդները 3» ֆիլմի պրեմիերայի ժամանակ այն դիտել է 4,59 միլիոն հեռուստադիտող^[23], երեք օրով հետաձգված ցուցադրության ժամանակ հեռուստադիտողների թիվը ավելացել է մինչև 8,43 միլիոն^[24]։

DVD

«Հետնորդները 3» ֆիլմը թողարկվել է DVD-ով 2019 թվականի օգոստոսի 6-ին^[25]։