Հեքլբերի Ֆիննի արկածները

Հեքլբերի Ֆիննի արկածները (անգլ.՝ The Adventures Of Huckleberry Finn), Մարկ Տվենի վեպը, որը գրվել է 1884 թվականին։ Սա «Թոմ Սոյերի արկածները» վեպի շարունակությունն է։

Հեքլբերի Ֆիննի արկածները անգլ.՝ The Adventures Of Huckleberry Finn
Հեղինակ	Մարկ Տվեն
Տեսակ	գրական ստեղծագործություն
Ժանր	արկածային
Թեմա	ստրկավաճառություն ԱՄՆ-ում
Բնօրինակ լեզու	անգլերեն
Լեզու	Անգլերեն
Կերպար(ներ)	Հեքիլբերի Ֆինն, Թոմ Սոյեր, Ջիմ, Miss Watson?, The Duke? և The King?
Նկարագրում է	Միսիսիպի գետ
Շարք	Tom Sawyer books?
Նախորդ	Կյանքը Միսիսիպիի վրա և Թոմ Սոյերի արկածները
Հաջորդ	A Connecticut Yankee in King Arthur's Court?
Երկիր	ԱՄՆ
Հրատարակիչ	Chatto & Windus
Հրատարակման տարեթիվ	1884
OCLC	29489461 և 74459734
Թվային տարբերակ	standardebooks.org/ebooks/mark-twain/the-adventures-of-huckleberry-finn
Adventures of Huckleberry Finn Վիքիպահեստում

Սյուժե

• Հեքլբերի Ֆիննը փախչում էր իր դաժան հորից և նավարկություն սկսում Միսիսիպի գետի հոսանքով։ Ճանապարհին, կղզիներից մեկում, նա հանդիպում և ընկերակցում է սևամորթ Ջիմի հետ։
• Որոշ ժամանակ անց, հանգամանքների բերումով նրանց են միանում երկու խարդախներ՝ դուքսը և թագավորը, որոնք կրկնակի անգամ ստրկացնում են փախստական սևամորթ Ջիմին և գետի երկայնքով ընկած քաղաքներում, կեղծ թատերական բեմադրություններ ներկայացնելով, դրամ են շորթում միամիտներից։
• Հեքլբերի Ֆիննը օգնություն է խնդրում Թոմ Սոյերից և նրանք մի ազատման պլան են մտածում։
• Բայց եթե Ֆիննը դա շատ լուրջ էր ընդունում, ապա Թոմը դա անում էր զուտ հետաքրքրության համար։

Տարբեր կարծիքներ

Ողջ ժամանակակից ամերիկյան գրականությունը գալիս է մի գրքից՝ Մարկ Տվենի «Հեքլբերի Ֆիննի արկածներից»։ Դա լավագույն գիրքն է, որ մենք ունենք - Էռնեստ Հեմինգուեյ

Վեպի մեջ օգտագործվում է «նեգր» բառը, որը համարվում է վիրավորանք աֆրոամերիկացիների համար^[1]։ Մարկ Տվենը այս վեպում նշել է ստրկության մասին, նկարագրելով այդ երևույթը, նա իր վեպի հերոսների միջոցով բացահայտ խոսում է իր ժամանակների Ամերիկայի գլխավոր խնդրի մասին^[2]։ Մարկ Տվենի այս ստեղծագործությունը Միացյալ Նահանգներում երկար ժամանակ եղել է արգելված գրքերի ցանկում։

Հայերեն հրատարակությունը

Մարկ Տվենի այս նշանավոր ստեղծագործությունը հայերեն լույս է տեսել երեք անգամ.

• Հեքլբերի Ֆիննի արկածները։ [Արկածային վիպակ] / Մ. Տվեն; Անգլ. թարգմ.՝ Ս. Ալեմյան; Խմբ.՝ Պ. Միքայելյան; Նկ.՝ Գ.Ֆիտինգոֆ. -Երևան։ Հայաստան, 1966. -356 էջ.
• Թոմ Սոյերի արկածները։ Հեքլբերի Ֆիննի արկածները; [Վիպակներ] / Մ. Տվեն ; Թարգմ.՝ Գ. Քեշիշյան, Ս. Ալիմյան; Խմբ.՝ Հ.Վ. Վարդանյան, Է.Ա. Մակարյան . -Երևան։ Սովետական գրող, 1979. -552 էջ.
• Հեքլբերի Ֆիննի արկածները։ (արկածային վեպ) / Մ. Տվեն; Անգլ. թարգմ.` Ս. Ալեմյան; Խմբ.՝ Ա. Նիկողոսյան.-Երևան։ Անտարես, 2013. -352 էջ.

Արտաքին հղումներ

• «Հեքլբերի Ֆիննի արկածների» հայերեն աուդիոտարբերակը