Հովհաննես Թոքմաջյան

Թոքմաջյան Հովհաննես Վաչեի (նոյեմբերի 7, 1956(1956-11-07), Երևան, Հայկական ԽՍՀ, ԽՍՀՄ), տեխնիկական գիտությունների դոկտոր, (Սանկտ Պետերբուրգ, 1991 թվական), պրոֆեսոր (Մոսկվա, 1994 թվական)։

Վիքիպեդիայում կան հոդվածներ Թոքմաջյան ազգանունով այլ մարդկանց մասին։

Թոքմաջյան Հովհաննես Վաչեի
Ծնվել է	1956, նոյեմբերի 7
Ծննդավայր	Երևան
Քաղաքացիություն	Հայաստան
Ազգություն	հայ
Կրոն	Հայ Առաքելական եկեղեցի
Կրթություն	ՀԱՊՀ
Գիտական աստիճան	տեխնիկական գիտությունների դոկտոր և պրոֆեսոր
Մասնագիտություն	Ինժեներ հիդրոտեխնիկ
Աշխատատու	Շուշիի տեխնոլոգիական համալսարան
Զբաղեցրած պաշտոններ	Հայաստանի Ազգային ժողովի պատգամավոր
Անդամություն	Հայաստանի ժուռնալիստների միություն

Կենսագրություն

• 2021 թվականից՝ Շուշիի տեխնոլոգիական համալսարանի հոգաբարձուների խորհրդի նախագահ
• 2016-2021 թվականներին՝ Շուշիի տեխնոլոգիական համալսարանի ռեկտոր
• 2013 թվականին ընտրվել է Հայաստանի ժուռնալիստների միության անդամ
• 2013 -2018 թվականներին հանդիսացել է Երևան քաղաքի ավագանու անդամ
• 2009 թվականից Հայաստանում ռուսաստանյան բուհերի շրջանավարտների միավորման նախագահ։
• 2014 թվականին ընտրվել է միջազգային ինժեներական ակադեմիայի իսկական անդամ
• 2006 թվականին ընտրվել է Վրաստանի էներգետիկայի ակադեմիայի իսկական անդամ
• 2014-2015 թվականներին՝ Հայաստանի ազգային պոլիտեխնիկական համալսարանի ռեկտոր
• 2006 թվականին ընտրվել է Երևանի ճարտարապետության և շինարարության պետական համալսարանի ռեկտոր։
• 2011 թվականին վերընտրվել է Երևանի ճարտարապետության և շինարարության պետական համալսարանի ռեկտոր^[1]։
• 2000-2006 թվականներին` Ջրային հիմնահարցերի և հիդրոտեխնիկայի ինստիտուտի Խորհրդի նախագահ, հիդրավլիկական հետազոտությունների հայկական ազգային ընկերության նախագահ
• 1995-1999 թվականներին` ՀՀ Ազգային Ժողովի պատգամավոր
• 1995-1996 թվականներին` ՀՀ գյուղատնտեսության նախարարության ջրային տնտեսության վարչության պետ
• 1996-2015 թվականներին` ՀՀ ԲՈՀ-ի թիվ 030 մասնագիտական խորհրդի անդամ, այնուհետև նախագահ^[2]
• 1996 թվականից ՀՀ ԲՈՀ-ի թիվ 055 մասնագիտական խորհրդի նախագահ, այնուհետև անդամ
• 1993-1995 թվականներին` Ջրային հիմնահարցերի և հիդրոտեխնիկայի ինստիտուտի տնօրեն
• 1978-1993 թվականներին` Աշխատանքներ ԵրՊԻ-ում (այժմ՝ ԵՃՇՊՀ) ասիստենտ, ավագ գիտաշխատող, ԵրՄԻ-ում՝ դոցենտ, Երիտասարդության գիտատեխնիկական ստեղծագործական համակարգում՝ տնօրեն
• 2005-2006 թվականներին եղել է ՀՀ ջրի ազգային ծրագրի մշակման խմբի գիտական ղեկավար
• 2003 թվականին՝ Համաշխարհային բանկի «Համայնքային զարգացման ծրագրի» շրջանակներում համատիրությունների աջակցման և զարգացման նպատակով օրենսդրական և ենթաօրենսդրական նորմերի բազայի մշակման խմբի ղեկավար,
• 2001-2003 թվականներին՝ ՀՀ ջրային ոլորտի բարեփոխումների աշխատանքային խմբի գիտական ղեկավար
• 2001-2002 թվականներին՝ ՀՀ ոռոգման համակարգերի վերականգնման ԾԻԳ-ի խորհրդական ջրային օրենսդրության բարեփոխումների հարցերով, SW 96/022 Des «Թալինի, Շիրակի և Հոկտեմբերյանի ոռոգման համակարգի 2-րդ կարգի ջրանցքների նախագծի» (ՀՀ ոռոգման համակարգերի վերականգնման ԾԻԳ-ի պատվերով) գիտական խորհրդատու, SW-96/016 Mod «Կոտայքի ջրանցքի ՊԿ 52+97 հանգույցի մոդելային հետազոտությունների» գիտական խորհրդատու, SW-GR/006 «23 պատվարների աղետային ջրթողների հետազոտությունը» աշխատանքի գիտական խորհրդատու
• 1983 թվականին՝ Զանգեզուրի պոչամբարի նախագծի վթարային ռեժիմի հեղեղատարի իրականացման կատարող, Կապսի ջրամբարի նախագծի աղետային ջրահեռի պատասխանատու կատարող։
• 1978 թվականին ավարտել է Երևանի պոլիտեխնիկական ինստիտուտը՝ ինժեներ-հիդրոտեխնիկ մասնագիտությամբ^[3]։

Ազգային Ժողով

1995-1999 թվականներին եղել է ՀՀ Ազգային ժողովի առաջին գումարման պատգամավոր։ ԱԺ գիտության, կրթության, մշակույթի և երիտասարդության հարցերի մշտական հանձնաժողովի անդամ։ ԱԺ «Հանրապետություն» խմբակցության անդամ։ «Մտավորական Հայաստան» կուսակցության նախագահ^[4]։

Ավագանի

2013 թվականի մայիսի 5-ին Հայաստանի Հանրապետական կուսակցության համամասնական ցուցակով ընտրվել, իսկ 2017 թվականի ապրիլի 14-ին վերընտրվել է Երևանի ավագանու անդամ։ Քաղաքաշինության և հողօգտագործման հարցերի մշտական հանձնաժողովի նախագահ։ 2018թ․ վայր է դրել ավագանու մանդատը։

Գիտական աշխատանքներ և մենագրություններ

Հովհաննես Թոքմաջյանն ունի 200-ից ավելի տպագրված գիտական աշխատանքներ, այդ թվում՝ 5 մենագրություն^[5]։

Պարգևներ

• 2011 թվականին՝ Լեռնային Ղարաբաղի Հանրապետության նախագահի հրամանագրով՝ պարգևատրվել է «Վաչագան Բարեպաշտ» մեդալով^[6]։
• 2006 թվականին՝ Հուշամեդալ՝ ՀՀ վարչապետ Անդրանիկ Մարգարյանի կողմից
• 2008 թվականին պարգևատրվել է Ֆրիտյոֆ Նանսենի ոսկյա հուշամեդալով
• 2011 թվականին Շնորհակալագիր՝ ՀՀ վարչապետ Տիգրան Սարգսյանի կողմից
• 2013 թվականին Շնորհակալագիր՝ ՌԴ Նախագահ Վլադիմիր Պուտինի կողմից։
• 1986 թվականին Հայաստանի լենինյան կոմերիտմիության մրցանակ գիտության և տեխնիկայի բնագավառում (Երևան)։
• 1987 թվականին Խորհրդային Միության երիտասարդական գիտատեխնիկական ստեղծագործության համակարգի մրցանակ (Մոսկվա)

Անձնական կյանք

Ամուսնացած է՝ ունի երկու զավակ

Երկեր

• Հայաստանի գետերի ու լճերի ջրագրությունը, Երևան, 2002 (համահեղինակ)։
• Экономика водных ресурсов, 2005.