Հրայր Սիմոնյան (գեներալ)

Հրայր Գևորգի Սիմոնյան (հունվարի 1, 1919(1919-01-01)^[1], Ղուշչի, Ծալկայի մունիցիպալիտետ, Քվեմո Քարթլիի մարզ, Վրաստան^[1] - հունիսի 29, 2000(2000-06-29), Մոսկվա, Ռուսաստան), խորհրդային բանակի գեներալ-մայոր (22.2.1963), ռազմական գիտությունների դոկտոր (1968), պրոֆեսոր (1970)։

Անվան այլ կիրառումների համար տե՛ս՝ Հրայր Սիմոնյան (այլ կիրառումներ)

Վիքիպեդիայում կան հոդվածներ Սիմոնյան ազգանունով այլ մարդկանց մասին։

Հրայր Սիմոնյան
հունվարի 1, 1919(1919-01-01)[1] - հունիսի 29, 2000(2000-06-29) (81 տարեկան)
Ծննդավայր	Ղուշչի, Ծալկայի մունիցիպալիտետ, Քվեմո Քարթլիի մարզ, Վրաստան[1]
Մահվան վայր	Մոսկվա, Ռուսաստան
Քաղաքացիություն	ԽՍՀՄ
Կոչում	գեներալ-մայոր[1]
Մարտեր/ պատերազմներ	Խորհրդային բանակի լեհական արշավանք[1] և Հայրենական մեծ պատերազմ[1]
Կրթություն	Մոսկվայի բարձրագույն ռազմական հրամանատարական ուսումնարան (1939)[1], Մ. Վ. Ֆրունզեի անվան ռազմական ակադեմիա (1952)[1] և Կ․ Ե․ Վորոշիլովի անվան ռազմական ակադեմիա (1958)[1]
Պարգևներ	և

Կենսագրություն

Ավարտել է Մոսկվայի Համամիութենական կենտգործկոմի անվան ռազմահետևակային ուսումնարանը (1939 թվական), Ֆրունզեի անվան ռազմական ակադեմիան (1952 թվական), ԽՍՀՄ Զինված ուժերի գլխավոր շտաբի (Կլիմենտ Վորոշիլովի անվան) ռազմական ակադեմիան (1958 թվական)։ 1939 թվականին մասնակցել է Արևելյան Լեհաստանի դեմ խորհրդային ագրեսիային, «Հայրենական մեծ պատերազմի» ժամանակ, որպես Բելառուսիայի առաջին ռազմաճակատի 8-րդ բանակի շտաբի պետի տեղակալ՝ Կուրսկի ճակատամարտին, Բելառուսիայի ազատագրմանը, Բեռլինի գրավմանը։ 1945—1947 թվականներին ծառայել է Գերմանիայում խորհրդային զորքերի խմբավորման շտաբում, 1947—1960 թվականներին՝ տարբեր զինվորական օկրուգների շտաբներում։ 1960-1983 թվականներին՝ Ֆրունզեի անվան ռազմական ակադեմիայի ամբիոնի պետ։ 1983 թվականին զորացրվելով՝ շարունակել է գիտամանկավարժական գործունեությունը ԽՍՀՄ Կենտրոնական գիտահետազոտական ինստիտուտում^[2]։ ԽՄԿԿ անդամ (1942)։

Աշխատություններ

Հեղինակ է զինվորական հետախուզությանը վերաբերող ավելի քան 200 աշխատության։

Պարգևներ

Պարգևատրվել է Կարմիր դրոշի 2, Հայրենական պատերազմի 1 և 2-րդ աստիճանի, Կարմիր աստղի 2, լեհական շքանշաններով։