Ղանթար

Ղանթար, հին Երևանի առևտրական հրապարակ։

Անվան այլ կիրառումների համար տե՛ս՝ Ղանթար (այլ կիրառումներ)

Հին թաղ
Երկիր	Հայաստան
Կարգավիճակ	թաղամաս
Մտնում է	Երևանի Կենտրոն վարչական շրջանի մեջ
Ղանթար Վիքիպահեստում

Դիրք

Գտնվում էր Կապույտ մզկիթին կից՝ ներկայիս Կիրովի անվան մանկական զբոսայգին է։ 20-րդ դարի սկզբին հրապարակը հատակագծում ունեցել է ձգված եռանկյունու տեսք։ Հրապարակի երկու անկյուններով անցել է Ամրոցի փողոցը, որ հարավ-արևմուտքից կապել է Առևտրային հրապարակը Ամրոցի հրապարակին և ամրոցին, իսկ հյուսիս-արևելքից՝ Եկեղեցու հրապարակով դուրս է եկել կենտրոն։ Երրորդ անկյունից դուրս է եկել դեպի արևմուտք Սուրբ Սարգսի փողոցը, որը ձգվել է դեպի եկեղեցի^[1]։

20-րդ դարի քաղաքի վերաձևման ընթացքում Ղանթարի շուկայի տեղում տնկվեց այգի՝ ընդարձակելով 19-րդ դարից կառուցվող Անգլիական այգին։ Այգու երկու մասերը բաժանվում էին Կրեպոստնայա, իսկ հետագայում Շահումյան փողոցով, որը նախկինում համարվել է Աստաֆյան փողոցի մի մաս։ 2000-ականներին դրան զուգահեռ կառուցվեց ևս մեկ փողոց, որը կոչվեց Իտալիայի փողոց՝ տեղում գործող Իտալիայի դեսպանատան պատվին։

Անվանում

Շուկան պարսկական տիրապետության տարիներին կոչվել է «Ղանթար»՝ պարսկերեն՝ «շուկայի մեծ կշեռք»։ 1906-1911 թվականների գծագրի պարզաբանման մեջ անվանվել է «Շուկայի հրապարակ - քաղաքային կշեռք և ղանթար»^[1]։ Քաղաքի ամենամեծ կշեռքը՝ ղանթարը, պատկանել էր Երևանի վարչությանը։ Մեծածախ առևտուրը կատարվել է «ղանթարով»։ Կշեռքի ճշգրտությունը հսկողը ունեցել է «միզանդար» կոչումը^[2]։

Հետագայում Ղանթարի հարևան տարածքում կառուցվել էր ծածկած շուկա, որը նույնպես Ղանթար կոչեց։ Իսկ երբեմն էլ կոչում էին ուղղակի «Ղանթարի տակ»։^[փա՞ստ]

Պատկերասրահ

• 
  Ղանթարի շուկան բերդի կողմից
• 
  Ղանթարի շուկան Բուլվարի կողմից
• 
  Ղանթարի շուկան Կապույտ մզկիթի կողմից
• 
  Ղանթարի շուկա. ընդհանուր տեսք

Տես նաև

• Երևանի պատմություն