Միդհաթ փաշա

Միդհաթ Փաշա Ահմեդ (հոկտեմբերի 18, 1822(1822-10-18), Կոստանդնուպոլիս, Օսմանյան կայսրություն - ապրիլի 26, 1883(1883-04-26)^[1], Էթ Թաիֆ, Օսմանյան կայսրություն), թուրք քաղաքական և պետական գործիչ։ Թուրքական նորաստեղծ բուրժուազիայի շահերի արտահայտիչ, հարել է Նոր օսմաններ գաղտնի քաղաքական կազմակերպությանը։ 1864-1868 թվականներին եղել է Դանուբի վիլայեթի նահանգապետը, որտեղ անցկացրել է սուլթանի իշխանությունն ամրապնդող ռեֆորմներ, դաժանորեն ճնշել բուլղարների ազգային-ազատագրական պայքարը։ 1869-1872 թվականներին Բաղդադի վիլայեթի նահանգապետ և պետական խորհրդի նախագահ, 1873-1874 թվականներին և 1876-1877 թվականներին՝ մեծ վեզիր։ Միդհաթ Փաշան գլխավորել է թուրքական սահմանադրական շարժումը, հեղինակն է 1876 թվականին ընդունված թուրքական առաջին սահմանադրության (որի ստեղծմանը գործուն մասնակցություն է ունեցել հայ գործիչ Գրիգոր Օտյանը)։ Ձգտելով թուրքական ազգային բուրժուազիային մասնակից դարձնել կայսրության կառավարմանը և ստեղծել սահմանադրական միապետություն՝ իրականացրել է կիսառեֆորմներ։ Սուլթան Աբդուլ Համիդ 2-րդը, Միդհաթ Փաշայի գործունեությունը դիտելով իբրև իր իրավունքների սահմանափակում, նրան աքսորել է Եվրոպա։ 1878 թվականին սուլթանի հրամանով վերադարձել է և նշանակվել սկզբում Սիրիայի, ապա Զմյուռնիայի նահանգապետ։ Սուլթան Աբդուլ Ազիզի սպանությանը (1876) մասնակցելու կեղծ մեղադրանքով 1881 թվականին աքսորվել է Արաբիա, ուր նրան խեղդամահ են արել Աբդուլ Համիդի գործակալները։

Միդհաթ փաշա թուրքերեն՝ احمد شفیق مدحت پاشا և թուրքերեն՝ Mithat Paşa
Ծնվել է	հոկտեմբերի 18, 1822(1822-10-18)
Ծննդավայր	Կոստանդնուպոլիս, Օսմանյան կայսրություն
Մահացել է	ապրիլի 26, 1883(1883-04-26)[1] (60 տարեկան)
Մահվան վայր	Էթ Թաիֆ, Օսմանյան կայսրություն
Քաղաքացիություն	Օսմանյան կայսրություն
Կրոն	իսլամ[2][3], տասներկուականներ[2][3] և Բեքթաշյան միաբանություն[2][3]
Մասնագիտություն	պետական գործիչ, kingmaker, Մեծ վեզիր և wāli
Զբաղեցրած պաշտոններ	Օսմանյան կայսրության մեծ վեզիր, Օսմանյան կայսրության մեծ վեզիր, Beylerbey of Damascus?, wāli? և Նահանգապետ
Երեխաներ	Ali Haydar Midhat?
Midhat Pasha Վիքիպահեստում