Միխեիլ Սիմոնյան

Միխեիլ Սիմոնյան (հուլիսի 29, 1987(1987-07-29)^[1], Թբիլիսի, Վրացական ԽՍՀ, ԽՍՀՄ), հայ ֆուտբոլիստ, պաշտպան

Վիքիպեդիայում կան հոդվածներ Սիմոնյան ազգանունով այլ մարդկանց մասին։

Միխեիլ Սիմոնյան
Անձնական տվյալներ
Ազգությունը	հայ
Քաղաքացիությունը	Հայաստան
Ծննդյան ամսաթիվ	հուլիսի 29, 1987(1987-07-29)[1] (37 տարեկան)
Ծննդավայր	Թբիլիսի, Վրացական ԽՍՀ, ԽՍՀՄ
Հասակ	187 սմ
Դիրք	պաշտպան
Մասնագիտական կարիերա*
Տարի	Ակումբ	Խաղ	(Գոլ)
2001 Լոռի 1 (0) 2002-2004 Արաքս (Արարատ) 73 (5) 2005 Կոտայք 14 (0) 2006 Փյունիկ ? (?) 2006 Ուլիս 2 (1) 2006-2007 Լևադիակոս ? (?) 2007-2008 Էգալեո ? (?) 2008 Արարատ (Երևան) 8 (0) 2009 Գանձասար 27 (1) 2010-2011 Իմպուլս 26 (0) 2011-2013 Ուլիս 45 (1) 2013 Ալաշկերտ 1 (0) 2013-2014 Ֆոկիկոս 18 (0) 2015 Արարատ (Երևան) 0 (0)
Ազգային հավաքական
20042005 Հայաստան (մինչև 19) 10 (0) 2005-2008 Հայաստան (մինչև 21) 11 (0)
* Մասնագիտական կարիերայում ընդգրկված են միայն առաջնության խաղերը և գոլերը:

Ակումբային կարիերի

Սիմոնյանը 3 լրիվ մրցաշրջան է անցկացրել «Արաքս» ակումբում, որի կազմում 2002 թվականին դարձել է Առաջին լիգայի արծաթե մրցանակակիր և դուրս եկել Պրեմիեր լիգա։ Սակայն թիմը պատրաստ չէր այդ մակարդակի խաղերին և 9 միավորով զբաղեցրել է վերջին տեղը։ Ակումբի հետ միասին Սիմոնյանն անցել է առաջին լիգա։ 2004 թվականի մրցաշրջանից հետո Սիմոնյանը հեռացել է «Արաքսից», որը 2005 թվականի մրցաշրջանի 7-րդ փուլից հետո հեռացվել է առաջնությունից։ Սիմոնյանը տեղափեխվել է Պրեմիեր լիգայի «Կոտայք» ակումբ, որը 2006 թվականի սկզբին կազմալուծվել է։ Սիմոնյանը, դառնալով ազատ գործակալ, տեղափոխվել է «Փյունիկ»։ 2006-2008 թվականներին երկու մրցաշրջան խաղացել է Հունաստանում։

2008 թվականին վերադարձել է Հայաստան, որտեղ պայմանագիր է կնքել Երևանի «Արարատ» ակումբի հետ, որի կազմում 2008 թվականին դարձել է Հայաստանի առաջնության ոսկե մեդալակիր։ Սիմոնյանն «Արարատի» կազմում հասնակցել է թիմի ոսկե խաղին^[2]։ 2008 թվականի վերջին տեղափոխվել է «Գանձասար», որի կազում անցկացրել է մեկ լրիվ մրցաշրջան։ 2010 թվականի հունվարին պայմանագիր է կնքել Դիլիջանի «Իմպուլս» ակումբի հետ, որը դուրս է եկել Պրեմիեր լիգա^[3]։ 2011 թվականի առաջնության 7-րդ փուլից հետո Սիմոնյանը խզել է պայմանագիրը ակումբի հետ։ Դրա պատճառը եղել է այն, որ Սիմոնյանը չէր ընդգրկվել թիմի կազմում^[4]։

Որոշ ժամանակ անց Սիմոնյանը մեկուկես տարով պայմանագիր է կնքել «Ուլիս» ակումբի հետ։ 2013 թվականին տեղափոխվել է հունական «Ֆոկիկոս» ակումբ։ 2015 թվականին վերադարձել է Հայաստան և ընդգրկվել «Արարատի» կազմում։

Ձեռքբերումներ

• «Արարատ» (Երևան)
  • Հայաստանի առաջնության արծաթե մեդալակիր - 2008
• «Ուլիս»
  • Հայաստանի չեմպիոն - 2011

Անձնական կյանք

Ավաք եղբայրը՝ Ալիկ Սիմոնյանը ժամանակին խաղացել է Վանաձերի «Լոռի» ակումբում։