Նաիրա Պետրոսյան

Նաիրա Պետրոսյան (փետրվարի 25, 1974(1974-02-25), Երևան, Հայկական ԽՍՀ, ԽՍՀՄ), հայ աճպարար, բեմադրիչ, կենդանավարժ։ ՌԴ և Ֆրանսիայի կրկեսային գործիչների միության անդամ։

Վիքիպեդիայում կան հոդվածներ Պետրոսյան ազգանունով այլ մարդկանց մասին։

Նաիրա Պետրոսյան
Ծնվել է	1974 փետրվարի 25
Ծննդավայր	Երևան,  Հայաստան
Քաղաքացիություն	Հայաստան
Ազգություն	հայ
Մասնագիտություն	աճպարար բեմադրիչ կենդանավարժ

Կենսագրություն

Նաիրա Պետրոսյանը ծնվել է 1974 թվականին Երևանում, Սոս Պետրոսյանի ընտանիքում։ 1985 թվականից սովորել է Երևանի Ալյումինագործների մշակույթի պալատի կրկեսային ստուդիայում, որի կազմում հյուրախաղերով հանդես է եկել ՀՀ մարզերում։ 1991-1995 թվականներին սովորել է Երևանի Թատերական արվեստի պետական ինստիտուտի էստրադայի և կրկեսի բաժինը, ստանալով կրկեսի և էստրադայի դերասան որակավորումը։ 1994-1995 թվականներին որպես աճպարար պրակտիկ դասընթացներ է անցել Մոսկվայում ԽՍՀՄ ժողովրդական արտիստ՝ հայտնի աճպարար՝ Հարություն Հակոբյանի մոտ։ Որպես կենդանավարժ 2000-2001 թվականներին մասնակցել է Մոսկվայում ՌԴ ժողովրդական արտիստ՝ հայտնի կենդանավարժ՝ Միքայել Բաղդասարովի ղեկավարությամբ տեղի ունեցող դասընթացներին։

1995-1998 թվականներին եղել է Մոսկվայի «Յուրի Նիկուլինի» անվան կրկեսի օրիգինալ ժանրի դերասանուհի։ Նրա խաղընկերներն են եղել եղբայրը՝ Սոս (կրտսեր) և եղբոր կինը՝ Վիկտորյա Պետրոսյանները՝ միաժամանակ ստեղծելով «Իյլուզիոն մանրապատումներ» հայտնի կրկեսային տեսլարանը^[1]։ Եղել է Երևանի պետական կրկեսի մենակատար։ 1998 թվականին Մոսկվայի «Կրկեսի և էքսցենտրիկայի թատրոն» խմբի հետ հայկական կրկեսային արվեստն է ներկայացրել 15 երկրներում։ Հայաստանի ազգային կրկեսում որպես աճպարար և օրիգինալ ժանրի դերասան ելույթ է ունեցել ԱՊՀ-ի տարբեր դերասանների հետ համատեղ։

2003 թվականին աճպարարության հետ համատեղ ստեղծել է «Կենդանիների աշխարհում» հայտնի համար - տեսարանը։ 2003 թվականից Երևանի կրկեսին կից Լեոնիդ Ենգիբարյանի անվան ստուդիա-դպրոցի գեղարվեստական ղեկավարն է։

1995 թվականից բարեգործական ծրագրով ելույթ է ունեցել Հայաստանի մարզերում, ինչպես նաև Հայաստանի և Լեռնային Ղարաբաղի զորամասերում, մանկատներում, դպրոցներում և մանկապարտեզներում։

Ելույթ ունենալով աշխարհի տարբեր կրկեսներում՝ կրկեսի մասին դասախոսություններով և ելույթներով^[2]։

Մրցանակներ

Մոսկվայի, Տոկիոյի և Փարիզի կրկեսային միջազգային փառատոների դափնեկիր

Գրականություն

• Սոս Պետրոսյան։ «Ժամանակակից Հայկական կրկես և նրա գեղարվեստական արժանիքները»
• Սոս Պետրոսյան։ «Հայկական Կրկես – Կրկեսի Սոսերը»
• Սոս Պետրոսյան։ Հայկական կրկեսը