Ոսկանապատ

Ոսկանապատ^[1] (այժմ կոչվում է Զուռնաբադ ադրբ.՝ Zurnabad), գյուղ ներկայումս՝ Ադրբեջանի Հանրապետության Խանլարի շրջանում^[2], պատմական Մեծ Հայքի Արցախ նահանգի Կողթ գավառում^[3]։

Անվան այլ կիրառումների համար տե՛ս՝ Ոսկանապատ (այլ կիրառումներ)

Գյուղ
Ոսկանապատ (Զուռնաբադ)
ադրբ.՝ Zurnabad
Երկիր	Ադրբեջան
Շրջան	Գյոյգյոլի շրջանԳյոյգյոլի շրջան
Համայնք	Գյոյգյոլի շրջան
Բնակչություն	1․273 մարդ
Ազգային կազմ	ադրբեջանցիներ
Կրոնական կազմ	շիա իսլամ
Ժամային գոտի	UTC+4, ամառը UTC+5
Ոսկանապատ (Ադրբեջան)

Տեղադրություն

Գտնվում է Մհակ սարի ստորոտում^[4], Գանձակ քաղաքից 17 կմ հարավ (ուղիղ գծով)՝ Գանձակ կամ Ոսկանապատ գետի ձախ կողմում^[5], շրջապատված թավ անտառ լեռներով։ Գանձակ գետի ձախ ափի երկարությամբ ունի շուրջ 1,4 կմ երկարություն, բայց հազիվ 200 մ լայնություն։ Գյուղը տարածված է լեռնալանջի հարավարևելահայաց թեքադիր մակերեսին։ Համարյա գետափից սկիզբ առնող գյուղի շինությունները ձգվում են լանջն ի վեր, շուրջ 80 մ։ Ունի ծովի մակերևույթից 870-950 մ բարձրություն։ Ամենաբարձրադիրը Սբ. Հակոբ ծխական եկեղեցուն հարող թաղամասն է` գյուղի հարավային եզրին։

Հիշատակություն

Ոսկանապատն առաջին անգամ գրավոր աղբյուրներում հիշատակվում է 1314 թվականին՝ Շամքորի ձորում գտնվող Ծաղկոց վանքում պահպանված մի սահմանախաչի արձանագրության մեջ^[6].

Ցքուռ գետ ի Տաւուշ ձորոյ մինչև Ոսկանապատ, թուին ՉԿԳ (1314)... տ(եառ)ն Ս(ա)րգիս[7]

Կրոն

• Ոսկանապատի սուրբ Հակոբ եկեղեցի
• Ոսկանապատի Կուսանաց անապատ
• Ոսկանապատի սուրբ Սարգիս եկեղեցի