Չանչուն

Չանչուն (չինարեն՝ 长春 , փինյին՝ Chángchūn), քաղաք Հյուսիս-Արևելյան Չինաստանում^[1], Իթունհե գետի ափին։ Ձիլին նահանգի վարչական կենտրոնն է։ 2010 թվականի տվյալներով բնակչությունը կազմում է 7 674 439 մարդ^[2]։ Երկաթուղային խոշոր հանգույց է, քաղաքին ծառայում է Լոնգջիա միջազգային օդանավակայանը։ Չինաստանի մեքենաշինության գլխավոր կենտրոններից է։ Կան մետալուրգիական, քիմիական գործարաններ, փայտամշակման, թղթի, խեցեգործական, տեքստիլ, կաշվի, սննդի, ծխախոտի արդյունաբերական ձեռնարկություններ, տնայնագործություն։ Չանգչունում տեղակայված է Չինաստանի Գիտությունների ակադեմիայի մասնաճյուղը։

Տեսարժան վայրեր

Քաղաքը հիմնադրվել է 19-րդ դարի սկզբին։ 1897-1903 թվականներին Արևելաչինական երկաթուղու կառուցումից հետո Չանգչունը դարձավ առևտրական տրանսպորտային խոշոր կենտրոն։ 1931 թվականին Չանգչունը գրավել են կայսերական Ճապոնիայի ուժերը՝ այն դարձնելով Մանջո Գուո (Մանջուրների երկիր) խամաճիկային պետության մայրաքաղաքը և վերանվանել Սինկին («Նոր մայրաքաղաք»)։ Ազատագրվել է 1945 թվականի օգոստոսին։