Պետրոս Մելքոնյան

Պետրոս Գրիգորի Մելքոնյան (դեկտեմբերի 20, 1905(1905-12-20)^[1], Ղարաքիլիսա, Երևանի նահանգ, Կովկասի փոխարքայություն, Ռուսական կայսրություն^[1] - սեպտեմբերի 4, 1965(1965-09-04)^[1], Երևան, Հայկական ԽՍՀ, ԽՍՀՄ^[1]), կուսակցական և պետական աշխատող, մանկավարժ։ ՀԽՍՀ վաստակավոր ինժեներ (1965)։ ԽՄԿԿ անդամ 1938 թվականից։

Վիքիպեդիայում կան հոդվածներ Մելքոնյան ազգանունով այլ մարդկանց մասին։

Պետրոս Մելքոնյան
Ծնվել է	դեկտեմբերի 20, 1905(1905-12-20)[1]
Ծննդավայր	Ղարաքիլիսա, Երևանի նահանգ, Կովկասի փոխարքայություն, Ռուսական կայսրություն[1]
Մահացել է	սեպտեմբերի 4, 1965(1965-09-04)[1] (59 տարեկան)
Մահվան վայր	Երևան, Հայկական ԽՍՀ, ԽՍՀՄ[1]
Քաղաքացիություն	Ռուսական կայսրություն և  ԽՍՀՄ
Կրթություն	ՀԱՊՀ (1936)[1]
Մասնագիտություն	կուսակցական աշխատող և պետական ծառայող
Աշխատատու	ՀԿԿ[1]
Կուսակցություն	ԽՄԿԿ[1]
Պարգևներ և մրցանակներ	և ՀԽՍՀ վաստակավոր ճարտարագետ

Կենսագրություն

Պետրոս Մելքոնյանի կիսանդրին Հայաստանի ազգային պոլիտեխնիկական համալսարանի Քիմիական տեխնոլոգիաների և բնապահպանական ճարտարագիտության ֆակուլտետի շենքի նախասրահում

1927 թվականին ավարտել է Կիրովականի աշխատանքային դպրոցը, 1936 թվականին՝ Երևանի պոլիտեխնիկական ինստիտուտը, աշխատել է ԽՍՀՄ ծանր արդյունաբերության ժողկոմատի ուսումնական հաստատությունների վարչության ուսմասվար՝ Հայաստանի գծով, ինժեներատաեխնիկական և տնտեսական աշխատողների որակավորման ինստիտուտի տնօրեն (1937), ՀԿԿ Երքաղկոմի քարտուղար (1941)։ Մասնակցել է Հայրենական մեծ պատերազմին (1941-1945), եղել է ավիացիոն դիվիզիայի քաղբաժնի պետի տեղակալ, 1946-1965 թվականին՝ Երևանի պոլիտեխնիկական ինստիտուտի ռեկտոր։ ՀԿԿ Կենտկոմի անդամ (1964-1965), ՀԽՍՀ 6-րդ գումարման Գերագույն սովետի դեպուտատ։

Հիշատակ

Մելքոնյանի անունով է կոչվել Կիրովականի շինարարական տեխնիկումը։ Նրա անվամբ է կոչվում ՀՊՃՀ Վանաձորի մասնաճյուղը։

Պարգևներ

• Կարմիր աստղի շքանշան
• Հայրենական պատերազմի 2-րդ աստիճանի շքանշան
• «Պատվո նշան» շքանշան