Պիկարդիա

Պիկարդիա (ֆր.՝  և պիկարդ.՝  Picardie), երկրամաս Ֆրանսիայի հյուսիսում։ Գլխավոր քաղաքը Ամյենն է։ Բնակչությունը՝ 1 918 155 մարդ (12-րդ տեղը երկրամասերի մեջ)։

Պիկարդիա ֆր.՝  և պիկարդ.՝  Picardie
Դրոշ Զինանշան
Երկիր	Կաղապար:Դրոշավորում/Ֆրանսիա, Բելգիա
Կարգավիճակ	մշակութային շրջան
Վարչկենտրոն	Ամյեն
Խորհրդի նախագահ	Կլոդ Ժեվերկ
Պրեֆեկտ	Միշել Դելպյուեկ
Բնակչություն (1999)	1 857 481 (12 տեղ)
Խտություն	97
Տարածք	19 399
cr-picardie.fr
Պիկարդիա Վիքիպահեստում

Աշխարհագրություն

Երկրամասի տարածքը 19 399 կմ² է։ Պիկարդիայով են հոսում Էնա, Ուազ և Սոմա գետերը։

Պատմություն

Միջնադարում Պիկարդիան բաժանված էր Վերմանդուա, Վալուա և Ամյենուա կոմսությունների միջև։ Սուասոնայի և Լանայի շուրջ գտնվող մարզերը ինքնուրույն քաղաքական կյանք էին վարում։ «Պիկարդիա» անվանումն առաջին անգամ նշվել է 13-րդ դարի փաստաթղթերում։ Պիկարդիայի տարածքը ֆրանսիացիներից վիճարկել են անգլիացիները և Բուրգունդյան իշխանները։ Պիկարդիայով էին անցնում գրեթե բոլոր նվաճողները, որոնք ձգտում էին գրավել Փարիզը։ Առաջին համաշխարհային պատերազմի ժամանակ Պիկարդիայի շատ հին քաղաքներ՝ ներառյալ Պերոնն ու Սեն Կանտենը, ամբողջովին ավերվեցին։

Պիկարդիան գոթական ճարտարապետության հայրենիքն է․ այստեղ պահպանվել են 6 հայտնի միջնադարյան տաճարներ, որոնցից ամենամեծը գտնվում է Ամյենում։

Վարչական բաժանում

Երկրամասի կազմի մեջ են մտնում Էնա, Ուազ և Սոմա դեպարտամենտները։