Ռոբերտ Ամիրխանյան

Ռոբերտ Բաբկենի Ամիրխանյան (նոյեմբերի 16, 1939(1939-11-16), Երևան, Հայկական ԽՍՀ, ԽՍՀՄ), հայ կոմպոզիտոր, Հայաստանի կոմպոզիտորների միության նախագահ (1991-2013)։

Վիքիպեդիայում կան հոդվածներ Ամիրխանյան ազգանունով այլ մարդկանց մասին։

Ռոբերտ Ամիրխանյան
Ծնվել է	նոյեմբերի 16, 1939(1939-11-16) (85 տարեկան) Երևան, Հայկական ԽՍՀ, ԽՍՀՄ
Երկիր	ԽՍՀՄ և  Հայաստան
Մասնագիտություն	քաղաքական գործիչ, կոմպոզիտոր, համալսարանի դասախոս և ֆիլմերի երաժշտությունների հեղինակ
Աշխատավայր	Երևանի Կոմիտասի անվան պետական կոնսերվատորիա և Հայաստանի հանրային ռադիո
Կրթություն	Երևանի Կոմիտասի անվան պետական կոնսերվատորիա (1969)
Անդամակցություն	ԽՍՀՄ կոմպոզիտորների միություն և ՀԿՄ
Պարգևներ	և
Robert Amirkhanyan Վիքիպահեստում

Կենսագրություն

Ծնվել է 1939 թվականի նոյեմբերի 16-ին Երևանում։ 1964-1969 թվականներին սովորել է Երևանի Կոմիտասի անվան պետական կոնսերվատորիայում՝ Էդվարդ Միրզոյանի դասարանում։ 1969 թվականից դասավանդում է կոնսերվատորիայում, 1981 թվականից՝ պրոֆեսոր։ 1969-1972 թվականներին եղել է Հայաստանի ազգային ռադիոյի երաժշտական խմբագիրը։ 1991-2013 թվականներին եղել է Հայաստանի կոմպոզիտորների միության նախագահը։ 1999-2003 թվականներին եղել է ՀՀ ԱԺ պատգամավոր՝ լինելով գիտության, կրթության, մշակույթի և երիտասարդության հարցերի մշտական հանձնաժողովի անդամ։ Երևանի Կոմիտասի անվան պետական կոնսերվատորիայի պրոֆեսոր է։

Ստեղծագործական գործունեություն

Ռոբերտ Ամիրխանյանն ու Սարմեն Հովսեփյանը

Ռոբերտ Ամիրխանյանը երաժշտություն է գրել 16 խաղարկային և շուրջ 30 մուլտիպլիկացիոն ֆիլմերի համար։ Հեղինակել է հայտնի և սիրված երգերի երաժշտություններ՝ «Հայի աչեր», «Հայրենի երկիր» և այլն։ Հեղինակել է ավելի քան 300 երգեր, վոկալ շարքեր, օպերետներ։

Գրել է դաշնամուրային կոնցերտ (1969), կվարտետ (1969), օպերետ՝ «Քաղքենին ազնվական» (բեմադրվել է 1979, ԵԵԿԹ), մյուզիքլներ՝ «Ատամնաբույժն արևելյան» (բեմադրվել է 1976, ԵԵԿԹ), «Դինգ-դոնգ» (1979), «Շախ և մատ» (1986), երգաշարեր՝ «Առաջին խոսքն իմ», «Քարը», «Ես այն օրվանից», «Հուշ», կինոերաժշտություն^[1]։

Պարգևներ

• Պատվո շքանշան, 2017^[2]
• «Սուրբ Մեսրոպ Մաշտոց» շքանշան, 1998
• Հայաստանի պետական մրցանակ^[3]
• ՀԽՍՀ ժողովրդական արտիստ, 1986
• ՀԽՍՀ վաստակավոր արտիստ, 1984

Ֆիլմեր

• Կոշկակարի որդին (2004)
• Ես էլ եմ հայ (2000)
• Կացին (1994)
• Ամեն ինչ լա՜վ է (1991)
• Պանրե բնակարան (1989)
• Գաղտնի խորհրդական (1989)
• Ի՞նչ կա տանը, ինչպե՞ս են գործերը (1987)
• Օտար խաղեր (1986)
• Կապիտան Առաքել (1986)
• Ով է քո ընկերը (1985)
• Բարեկենդանը (1985)
• Կապույտ ծովում, սպիտակ փրփուրի մեջ... (1984)
• Հրդեհ (1984)
• Մասնավոր դեպք (1983)
• Խոսող ձուկը (1983)
• Ով էնպիսի սուտ ասի... (1982)
• Ձախորդ Փանոսը (1980)
• Անհարմար մարդ (1978)
• Աստղային ամառ (1978)
• Տաղանդ (մինիսերիալ, 1977)
• Եվ այն ժամանակ դու կվերադառնաս... (1976)
• Շեկ ինքնաթիռը (1975)
• Լքված հեքիաթների կիրճ (1974)
• Սխալ արտահայտություն (1973)
• Հնձան (1973)
• Տղամարդիկ (1972)
• Հայրիկ (1972)
• Փարվանա լճի լեգենդը (1971)
• Պույ-պույ մկնիկը (1971)
• Հեղնար աղբյուր (1971)
• Ջութակը ջունգլիներում (1970)
• Ասեք փոթորիկի անունը «Մարիա» (1970)
• Կամուրջներ մոռացության վրայով (1969)
• Մի կաթիլ մեղրը (1968)^[4]