Ռոս Բաղդասարյան

Ռոս Սամուել Բաղդասարյան (անգլ.՝ Ross Bagdasarian, Sr., Ռոս Բաղդասարյան Ավագ, լրիվ անունը՝ Ռոստոմ Սիփան Բաղդասարյան) (հունվարի 27, 1919(1919-01-27)^[1], Ֆրեզնո, Կալիֆոռնիա, ԱՄՆ^[2][3] - հունվարի 16, 1972(1972-01-16)^[1], Բևերլի Հիլզ, Լոս Անջելես շրջան, Կալիֆոռնիա, ԱՄՆ^[4][5]), հայտնի է իր բեմական անունով՝ Դեյվիդ Սևիլ, ամերիկահայ դաշնակահար, երգիչ, երգահան, ձայնագրման պրոդյուսեր և դերասան։

Վիքիպեդիայում կան հոդվածներ Բաղդասարյան ազգանունով այլ մարդկանց մասին։

Ռոս Բաղդասարյան անգլ.՝ Ross Bagdasarian Sr.
Ծնվել է	հունվարի 27, 1919(1919-01-27)[1]
Ծննդավայր	Ֆրեզնո, Կալիֆոռնիա, ԱՄՆ[2][3]
Մահացել է	հունվարի 16, 1972(1972-01-16)[1] (52 տարեկան)
Մահվան վայր	Բևերլի Հիլզ, Լոս Անջելես շրջան, Կալիֆոռնիա, ԱՄՆ[4][5]
Գերեզման	Chapel of the Pines Crematory
Քաղաքացիություն	ԱՄՆ
Մայրենի լեզու	անգլերեն
Կրթություն	Ֆրեզնոյի բարձրագույն դպրոց
Մասնագիտություն	դերասան, հեղինակ-կատարող, կոմպոզիտոր, սցենարիստ, երգիչ, դաշնակահար, բանաստեղծ, հեռուստատեսային դերասան, երաժշտական պրոդյուսեր, կինոդերասան և հնչյունավորող
Աշխատատու	Warner Bros.
Պարգևներ և մրցանակներ	«Գրեմմի» մրցանակ կավագույն կատակերգական ալբոմի համար Գրեմմի մրցանակ երեխաների համար նախատեսված լավագույն ալբոմի համար և Գրեմմի մրցանակ երեխաների համար նախատեսված լավագույն ալբոմի համար
Երեխաներ	Ռոս Բաղդասարյան կրտսեր
Ross Bagdasarian Sr. Վիքիպահեստում

Առավել հայտնի է նրա ստեղծած Alvin and the Chipmunks մուլտ-խումբը։ Ի սկզբանե որպես բեմի և կինոյի դերասան, նա հայտնի դարձավ 1958 թվականին «Witch Doctor» և «The Chipmunk Song (Christmas Don't Be Late)» երգերով, որոնք երկուսն էլ դարձան Billboard-ի համար մեկ սինգլներ։ Նա պրոդյուսեր և ղեկավարել է «Ալվինի շոուն», որը ցուցադրվել է CBS հեռուստաալիքով 1961–62 թվականներին։

Կենսագրություն

Ծնվել է Մեծ Եղեռնը վերապրած բիթլիսցիների ընտանիքում՝ Կալիֆոռնիայի Ֆրեզնո քաղաքում։ Եղել է Վիլյամ Սարոյանի մորաքրոջ որդին։ Վաղ տարիքից գրել է երաժշտություն, բանաստեղծություններ, սցենարաներ։ Ռոս Բաղդասարյանը բացահայտել է երաժշտություն ձայնագրելու հատուկ տեխնիկա, որը ձայնի ներմուծման և վերարտադրման արագությունների տարբերության շնորհիվ ապահովում է երեխաների համար սիրելի ձայնի տատանվող բարձր տեմբր։ Նա հորինել է հեքիաթային հերոսների, որոնք իբր կատարում են այդ երգերը՝ «Էլվին շերտավոր սկյուռիկը և նրա ընկերները», «Սեյմանը և Թեոդորը»։

Ունեցել է նվագախումբ, թողարկել ձայնապնակներ։ Որպես երաժիշտ հանդես է եկել Դեյվիդ Սեսիլ անվամբ (ի պատիվ իսպանական Սեվիլ քաղաքի), որը հետագայում օգտագործել է որպես համանուն կիսահորինված կերպարի անուն^[6]։ Գրել է երգեր Սարոյանի խոսքերով՝ համադրելով փոփ երաժշտությունը հայկական մեղեդուն։ Ժողովրդականություն է վայելել նրա «Եկ իմ տունը» երգը, որ կատարվել է Սարոյանի «Որդին» պիեսի բեմադրության ժամանակ^[7]։ Նշանավոր է դարձել «Շերտասկյուռի երգը» (1958) ձայնապնակով, որից 3,5 միլիոն օրինակ է վաճառվել հինգ շաբաթում։

Նկարահանվել է ֆիլմերում՝

• Ալֆրեդ Հիչքոքի «Բակ նայող լուսամուտը»
• «Կարմիր այրին»
• «Երեք սարսափազդու մարդիկ»
• «Գոռոզն ու սրբապիղծը»
• «Չինացի Վիկտորը»
• «Վիվա Զապատա»

Առանձնապես հայտնի է դարձել ԱՄՆ կինոյի աշխարհում իր ստեղծած «Էլվինը և բուրունդուկները» (անգլ.՝ Alvin and the Chipmunks) մուլտիպլիկացիոն ֆիլմերի հռչակավոր սերիայի շնորհիվ։

Մրցանակներ

3 անգամ արժանացել է Գրեմմի մրցանակի։

Ընտանիք

Ռոս Բաղդասարյանի վաղաժամ մահից հետո իր գործը շարունակեց որդին՝ Ռոս Բաղդասարյան Կրտսերը^[8]։

Դուստրը՝ Քերոլ Բաղրամյանը^[9], նկարահանվել է մի քանի շարժանկարներում («Ութանկյուն», 1979)։