Քրիստեն Բել
From Wikipedia, the free encyclopedia
Remove ads
Քրիստեն Էնն Բելը (անգլ.՝ Kristen Anne Bell, հուլիսի 18, 1980[1][2], Huntington Woods, Միչիգան), ամերիկյան հեռուստահաղորդավարուհի է և կինոդերասանուհի։ Նրա ամենահայտնի դերակատարումներից են՝ Վերոնիկա Մարսը համանուն «Վերոնիկա Մարս» սերիալում, Էլլ Բիշոպը «Հերոսները» սերիալում։ Նա «Sattellite Awards» և «Սատուրն» մրցանակների դափնեկիր է։ «Հերոսները» սերիալի նկարահանումից հետո նա նկարահանվել է մի քանի ռոմանտիկ կատակերգություններում՝ «Կրկին դու», «Սիրո բանաձև ամուսնության գերիների համար», «Մի անգամ Հռոմում»։
.jpg)
.svg){kind=link}
Remove ads
Վաղ տարիներ և ընտանիք
Քիրստեն Բելը ծնվել և մեծացել է Միչիգանի Հանթիգթոն Վուդսում՝ Դեթրոիթ արվարձանում։ Նրա մայրը՝ Լորոլեյը, բուժքույր է, իսկ հայրը՝ Թոմը Բելը, Սան Անտոնիոյի «WOAI-TV» նորությունների հեռուստատեսության տնօրեն է[5]։ Նրա ծնողները բաժանվել են, երբ նա դեռ երկու տարեկան էր։ Նրա հայրը ամուսնացել է երկրորդ անգամ և հոր կողմից Քիրստենն ունի երկու քույր՝ Սառան և Ջոդին։ Բելն ունի լեհական և շոտլանդական ծագում։ Բելն ունի շլություն, որն ազդել է նրա աջ աչքի վրա։ Այն Բելը ժառանգել է իր մորից։ Բայց նրա տեսողությունը վերականգնվել է մանուկ հասակում։ Բելը հավատացնում էր, որ երբ նա կիսատ էր քնում, իր հիվանդությունը ուժեղանում էր։ Նա իր աջ աչքին տվել էր «անհուսալի» անվանումը։
Բելն հայտարարել էր, որ մինչև չորս տարեկանը իրեն դուր չի եկել իր անունը։ Մայրն աղջկան համոզում էր օգտագործել մեջտեղի անուն՝ Էննը, բայց Բելը մինչև դասի գնալն օգտագործեց Էննի անունը[6]։
Առաջին դասարանի կեսերից Բելի ծնողները որոշեցին նրան հանել քաղաքային դպրոցից[7]։ Նա ուսումը շարունակում է հարևան գյուղի Շրայն կաթոլիկական բարձրագույն դպրոցում, որտեղ և մասնակցում է ակումբում ներկայացվող դրամաներին և երաժշտական միջոցառումներին[8]։ 1997 թ.-ին նա ստանում է գլխավոր դերը՝ «Օզ երկրի հրաշագործը» դպրոցական ֆիլմում՝ մարմնավորելով Դորոթի Գեյլին[9], ինչպես նաև մասնակցում է «Ջութակահարը տանիքի վրա» (1995), «Լեդին լավ է» (1996) և «Լի'լ Աբներ» ներկայացումներին։ 1998 թ.-ին, երբ Բելն ավարտեց դպրոցը, Բելին համադպրոցականները տվել էին «ամենահմայիչ աղջիկ» տիտղոսը[10]։
Երբ Բելը 17 տարեկան էր, նրա լավագույն ընկերը, որի հետ նա ծանոթացել էր 11 տարեկանում Դետրոյթի ներկայացումների ժամանակ, մահացել է ավտոմոբիլային վթարի ժամանակ։ «Դա ամենալավն ու ամենավատն էր իր կյանքում։ Երբ մարդկանց ընդունում եք ինչպես հարկն է, դուք ավելի երջանիկ կյանք կունենաք». ասել է Բելը[11]։
Միջնակարգ դպրոցն ավարտելուց քիչ անց Բելը տեղափոխվեց Նյու Յորք, որպեսզի մասնակցի նյու-յորքյան համալսարանի «Տիսչ արվեստի դպրոցի» աշխատանքներին[6]՝ երաժշտական ուղղվածությամբ[12]։ Նյու-յորքյան համալսարանի ավարտական տարիներին մասնակցել է «Թոմ Սոյերի արկածները» բրոդվեյան երաժշտական ներկայացմանը։
Remove ads
Կարիերա
Վաղ աշխատանքը (1992–2003)
1992 թվականին Բելը Դեթրոյթի թատրոնում հարցազրույցի մասնակցեց և միանգամից երկու դեր ստացավ «Ռագեդի Էննը և Էնդին» ներկայացման մեջ։ Նա պետք է մարմնավորեր ծառին և բանանին[6]։ Բելի մայրը իր դստեր համար գործակալ էր գտել, երբ դուստրը դեռ 13 տարեկան էր։ Դրա շնորհիվ նա կարողացավ նկարահանվել թերթային և հեռուստատեսային գովազդների համար։ Բացի այդ նա սկսել էր մասնավոր դերասանական դասընթացների հաճախել[6]։ 1998 թվականին նա առաջին անգամ հայտնվեց էկրանին։ Ֆիլմը կոչվում էր «Լեհական հարսանիքը»։
2001 թվականին Բելը կիսատ թողեց իր ուսումը նյույորքյան համալսարանում, որպեսզի մասնակցի «Թոմ Սոյերի արկածները» բրոդվեյան երաժշտական ներկայացման շարքի «Բեքի Թիչեր» ներկայացմանը (գլխավոր դեր)։ Նույն թվականին էլ կայացավ Քիրստենի դեպյուտը կինոյում։ Նա նկարահանվեց «Փութի Տենգ» ֆիլմում։ Բայց նրա մասնակցությամբ տեսարաններից մեկը հանեցին ֆիլմից և այն ցուցադրեցին միայն ֆիլմի սկզբնական տարբերակում[13]։ Բացի այդ նա մասնակցեց մրցույթում "Խլոյա Սալիվանի" դերի համար «Սմոլվիլի գաղտնիքները» հեռուստասերիալում, բայց վերջնական արդյունքում այդ դերը ստանձնեց Էլիսոն Մաքը[14]։ 2002 թ.-ին նա հայտնվեց ևս մի այլ բրոդվեյան ներկայացման մեջ՝ «Դժվար փորձություն» վերնագրով, որտեղ նրա խաղընկերներն էրին Լիամ Նիսոնը, Անջելա Բեթիսը և Լաուրա Լինեյը։ Այնուհետև Բելը 2002 թվականին տեղափոխվեց Լոս Անջելես։ Նրան այնտեղ հրավիրեցին ընկերները՝ մասնագիտությամբ սցենարիստներ Քևին Մերֆին և Դան Սթուդնեյը[13]։ Նա հանդես եկավ որպես հատուկ հրավիրված հյուր մի քանի հեռուստատեսային հաղորդումներում և ստացավ փոքրիկ դեր հեռուստատեսային սերիալում։ Այնուհետև Բելը ութ անգամ անահաջուղաթյան ենթարկվեց մրցույթներին, որոնց թվում էր «Մաշկ» և «Նորմ Մաքդոնալդ» սերիալները[11]։
2003 թվականին նա դեր ստացավ Hallmark Channel կինոընկերության «Լուսնային հովիտի թագավորն ու թագուհին» ֆիլմում։ Բելը հայտնվեց նաև «Դավեր» հեռուստաշոույում։
Remove ads
Ֆիլմագրություն
Remove ads
Ծանոթագրություններ
Wikiwand - on
Seamless Wikipedia browsing. On steroids.
Remove ads