Օբուխովի մեծ կամուրջ (Սանկտ Պետերբուրգ)

Օբուխովի մեծ կամուրջ (ռուս.՝ Большой Обкховский мост), (հաճախ անվանվում է ուղղակի «կայմապարանային կամուրջ»), կայմապարանային, չբացվող կամուրջ Նևա գետի վրա։ Տեղակայված է Սանկտ Պետերբուրգի Նևա շրջանի և Լենինգրադի մարզի Վսևոլոժսկի շրջանի սահմաններին, Նևայի միջին հոսանքում, կապում է Օբուխովսկի պաշտպանության պողոտան և Հոկտեմբերյան առափնյա փողոցը։ Ռուսաստանի ամենաերկար կամուրջներից մեկը։ Նևայի միակ չբացվող կամուրջը։

Օբուխովի մեծ կամուրջ Большой Обуховский мост
Երկիր	Ռուսաստան
Տեղանք	Սանկտ Պետերբուրգ
Նշանակություն	ավտոմոբիլային
Տեսակ	ճանապարհային կամուրջ և կայմապարաններային կամուրջ
Նյութ	երկաթբետոն
Հատում է	Նևա
Հիմնական թռիչք	30 մ
Երկարություն	2824 մ
Լայնություն	30 մ[1]
Բարձրություն	382 մ
Երթևեկելի գծերի քանակ	4 × 2
Բացման տարեթիվ	դեկտեմբերի 15, 2004 (առաջին հերթ) դեկտեմբերի 19, 2007 (երկրորդ հերթ)

Կառուցվածք

Կամրջի անցման գլխավոր նախագծողը «Ստրոյպրոեկտ» ՓԲԸ-ն է, կայմապարանային մասինը՝ «Գիպրոստրոյմոստ - Սանկտ Պետերբուրգ» ՓԲԸ-ն, գլխավոր կապալառուն՝ Мостоотряд №19։ Կամրջի կառուցմանը մասնակցել են նաև Мостоотряд № 10, Мостоотряд № 18, Мостоотряд № 90, Мостоотряд № 114, Мостоотряд № 125, որոնք մտնում են Մոստոտրեստի կազմի մեջ և այլ ընկերություններ։ Կամուրջը կառուցվել է Նևայի բավականին դժվար նավարկելի հատվածում, ոչ շատ հեռու Կրիվոյե Կոլենո գետագալարից, սակայն Նևայի ափերով լայնատարած 126 մ բարձրությամբ պիլոններով կամուրջը միանգամայն անտեսանելի է գետով անցնող նավերի համար։

Կամրջի անցման ընդհանուր երկարությունը 2824 մ է՝ ներառյալ նավարկելի մասը՝ 382 մ և կամրջից իջնելու հատվածը։ Հիմնական թռիչքի բարձրությունը 30մ է։

Անվանում

Քաղաքի պատմության մեջ առաջին անգամ կամրջի անունն ընտրելիս անցկացվեց ռեյտինգային քվեարկություն պետերբուրգցիների և Լենինգրադի մարզի բնակիչների միջև^[2]։ Բացի ներկայիս անունից առաջարկվում էր նաև «Օլգա Բերգհոլցի կամուրջ», «Իժորսկի», «Նևսկի», «Լենինգրադսկի» և այլ անվանումներ։ Կամուրջն ի վերջո Օբուխով անվանվեց մոտ գտնվող փողոցի անվամբ։

Բացում

Կամրջի առաջին հերթի բացումը կայացավ 2004 թվականի դեկտեմբերի 15-ին։ Այն Պետերբուրգի օղակաձև ավտոճանապարհի կարևոր մասն էր կազմում։ Բացմանը ներկա էր ՌԴ նախագահ Վլադիմիր Պուտինը։

2007 թվականի հոկտեմբերի 19-ին տեղի ունեցավ «երկվորյակ» կամրջի՝ երկրորդ հերթի, հանդիսավոր բացումը, իսկ 2008 թվականի հունվարից կամրջի յուրաքանչյուր հատվածում կազմակերպվեց միակողմանի 4 գծանի երթևեկություն։

Հետաքրքիր փաստեր

• Այս կամրջի պատճառով նավերի առավելագույն չափը, որը կարող էր անցնել Նևայով՝ Լադոգա լճից Նևայի շուրթ կամ հակառակ ուղղությամբ, 10 մետրով կարճացվեց^[3]։
• 2003 թվականին շինհրապարակում բացվեց «Կայմապարանային կամրջի թանգարան», որը Սանկտ Պետերբուրգում շինարարական օբյեկտին նվիրված միակ թանգարանն է։ Շինարարության ավարտից հետո՝ 2008 թվականի վերջին, թանգարանը տեղափոխվեց Կրասնոյե սելո՝ «Мостоотряд № 19» ԲԲԸ-ի պետերբուրգյան մասնաճյուղ^[4]։
• 2006 թվականին երկրորդ հերթի նորակառույց ձախակողմյան պիլոնում տեղադրվեց ամանորյա տոնածառ։ Պիլոնի շնորհիվ այն դարձավ քաղաքի ամենաբարձր ամանորյա տոնոծառը։

Պատկերասրահ

• 
  Օբուխովի մեծ կամրջի պիլոնը
• 
  Օբուխովի մեծ կամուրջը ՌԴ փոստային նամականիշի վրա
• 
  Օբուխովի մեծ կամուրջ (երեկոյան)