Օրանժ (Ֆրանսիա)

Օրանժը (ֆր.՝  Orange) քաղաք է Ֆրանսիայի հարավում՝ Վոքլյուզ դեպարտամենտում^[5]։ Այն ընկած է Եյգյուզ գետի ափին, որը, մի քանի կիլոմետր հոսելով, թափվում է Ռոն գետի մեջ։ Բնակչությունը կազմում է 28.948 (2012-ի հունվարի 1-ի դրությամբ)։

Անվան այլ կիրառումների համար տե՛ս՝ Օրանժ (այլ կիրառումներ)

Բնակավայր
Օրանժ
ֆր.՝ Orange[1] օքս.՝ Aurenja
Զինանշան Je maintiendrai
Երկիր	Ֆրանսիա
Համայնք	Pays d'Orange in Provence community of communes?, Վոքլյուզ և arrondissement of Carpentras?[2]
Մակերես	74,2 կմ²
ԲԾՄ	50 մետր, 24 մետր, 127 մետր, 47 մետր
Բնակչություն	▲29 357 մարդ (հունվարի 1, 2022)[3]
Ժամային գոտի	UTC+1 և UTC+2
Փոստային դասիչ	84100[4]
Պաշտոնական կայք	ville-orange.fr​(ֆր.)
Օրանժ (Ֆրանսիա) (Ֆրանսիա)
Օրանժ Վիքիպահեստում

Օրանժ

Անվանում

Քաղաքի պատմական անունն է Արոզիո։,, Օրանժը,,՝ որպես գույնի և մրգի հետ ասոցացում, ավելի ուշ է առաջացել՝ զարգացող հոմոֆոնիայի հիման վրա։

Ժողովրդագրություն

Ըստ 2010 թվականի մարդահամարի արդյունքների բնակչությունը կազմում է 29 135 մարդ։

Բնակչության թվաքանակը

1962	1968	1975	1982	1990	1999	2006	2012
19 912	24 562	25 371	26 499	26 964	27 989	29 859	28 948

Տեսարժան վայրեր

Քաղաքը հայտնի է մի շարք հռոմեական կառույցներով, հատկապես տպավորիչ ամֆիթատրոնով և քաղաքի հիմնադրման կամարով, որոնց կառուցումն սկսվել է Օգոստոս կայսրի տիրապետությունից առաջ կամ այդ ընթացքում։ 1981 այս կառույցները մտան ՅՈՒՆԵՍԿՕ-ի Աշխարհի մշակութային ժառանգությունների ցուցակ։

Քաղաքի հիմնադրման կամար

Լիոն տանող փողոցի մոտ վեր է հառնում հռոմեական երեք կամարանոց մի հուշարձան-դարպաս։ Իր 19 մետր երկարությամբ, 18 մետր բարձրությամբ և ութ մետր լայնությամբ այն իր ժամանակների ամենամեծ և ամենալավ պահպանվածներից մեկն է։ Կառուցվել է հավանաբար հռոմեացիների մի հաղթանակից հետո՝ կամ մ.թ.ա. 49 թ. Մասիլիայի մոտ տեղի ունեցած Կեսարի հաղթանակից, կամ մ.թ.ա. 31 թ. Աքթյումի ճակատամարտից հետո։

Հռոմեական ամֆիթատրոնը

Օրանժի հռոմեական ամֆիթատրոնը

Քաղաքի ներսում է գտնվում մ.թ.ա. առաջին դարից եկած Հռոմեական ամֆիթատրոնը, որը համարվում է աշխարհի ամենալավ պահպանվածներից մեկը։ Հռոմեական կայսրության անկումից հետո այս կառույցն արժանացավ մյուս շատ անտիկ կառույցների ճակատագրին և համարվում էր քարհանք։ Ֆրանսիական հեղափոխության ընթացքում թատրոնի բաժինները ծառայում էին որպես բանտ, որտեղ բանտարկվում էին Հեղափոխության թշնամիները՝ ոչ արժանավայել պայմաններով։ 1869-ից ի վեր այստեղ նորից տեղի են ունենում ներկայացումներ և համերգներ։ Թատրոնն առաջարկում է գրեթե 7000 նստատեղ, հռոմեական ժամանակներում այն հասնում էր 10.000-ի^[6]։

Այլ տեսարժան վայրեր

Այլ տեսարժան վայրերից են Նոտրե Դամի տաճարը, Արվեստի և Պատմության թանգարանը (Musée d’Art et d’Histoir)։

Գրականություն

« Nom des habitants des communes françaises, Orange » [archive]