![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c8/Fish_Farm_in_Armenia_%2528%25D5%25B1%25D5%25AF%25D5%25B6%25D5%25A1%25D5%25A2%25D5%25B8%25D6%2582%25D5%25AE%25D5%25A1%25D6%2580%25D5%25A1%25D5%25B6%2529_1.jpg/640px-Fish_Farm_in_Armenia_%2528%25D5%25B1%25D5%25AF%25D5%25B6%25D5%25A1%25D5%25A2%25D5%25B8%25D6%2582%25D5%25AE%25D5%25A1%25D6%2580%25D5%25A1%25D5%25B6%2529_1.jpg&w=640&q=50)
Ջրային կուլտուրաներ
From Wikipedia, the free encyclopedia
Ջրային կուլտուրաներ, ջրագործություն, ակվակուլտուրա, վերահսկվող պայմաններում[1] ջրային օրգանիզմների (ձկներ, խեցգետնանմաններ, փափկամարմիններ, ջրային բույսեր) բուծման պրակտիկաների ամբողջություն[2][3]։ Ներառում է քաղցրաջրային և աղաջրային պոպուլյացիաների աճեցումը՝ հակադրվելով կոմերցիոն ձկնորսությանը, որն իրենից ներկայացնում է միայն վայրի պայմաններում ձկների զանգվածային որսը։ Պարզունակ ձկնորսության նկատմամբ ունի նույն արդիականացնող նշանակությունը, ինչը ժամանակին ունեցել է գյուղատնտեսությունը՝ պարզունակ որսորդության ու հավաքչության նկատմամբ։
![Thumb image](http://upload.wikimedia.org/wikipedia/commons/thumb/c/c8/Fish_Farm_in_Armenia_%28%D5%B1%D5%AF%D5%B6%D5%A1%D5%A2%D5%B8%D6%82%D5%AE%D5%A1%D6%80%D5%A1%D5%B6%29_1.jpg/640px-Fish_Farm_in_Armenia_%28%D5%B1%D5%AF%D5%B6%D5%A1%D5%A2%D5%B8%D6%82%D5%AE%D5%A1%D6%80%D5%A1%D5%B6%29_1.jpg)
Հանդիսանում է մեծ տեմպերով աճող արդյունաբերություն՝ ահռելի դերակատարում ունենալով ձկնամթերքների հանդեպ առկա համաշխարհային մեծ պահանջարկի բավարարման հարցում[1]։ Արդյունաբերության վերելքը պայմանավորված է անվտանգ և մատչելի սննդի հանդեպ հանրային պահանջի աճով, ինչպես նաև կոմերցիոն ձկնորսության ոլորտում առկա գերորսով և ջրերի աղտոտվածությամբ[1]։
Ենթատեսակներից են համարվում ձկնաբուծությունը, խեցգետնաբուծությունը, ոստրեբուծությունը, ջրիմուռաբուծությունը, ծովաբուծությունը (մարիկուլտուրա) և դեկորատիվ ձկնապահությունը։ Հիբրիդային եղանակներից է ակվապոնիկան, որի դեպքում համադրվում են ակվակուլտուրան և հիդրոպոնիկան (բույսերի աճեցումն առանց հողի)՝ ջրային միջավայրում բույսերի աճեցման համար որպես օրգանական պարարտանյութ օգտագործելով ձկների արտաթորանքը[4]։