Էնա (գավառ)

Էնա (ֆր.՝ Aisne), դեպարտամենտ Ֆրանսիայի հյուսիսում, անունն ստացել է համանուն գետից։ Սահմանակից է Բելգիային։

• Էնա դեպարտամենտի կարգային թիվն է` 02։

Էնա Aisne
Դրոշ Զինանշան
Երկիր	Ֆրանսիա
Կարգավիճակ	Ֆրանսիայի գավառ
Մտնում է	Օ-դը-Ֆրանս
Վարչկենտրոն	Լան
Ամենաբարձր կետ	Q26842902?
Հիմնական լեզու	ֆրանսերեն
Բնակչություն	▼527 468 մարդ (հունվարի 1, 2021)[1]
Խտություն	73
Տարածք	7369
Հիմնադրված է	մարտի 4, 1790 թ.
Սահմանակցում է	Մարն, Սեն-է-Մարն, Ուազ, Սոմ, Նոր, Արդեններ, Էնո և Ժեմմապ
Ժամային գոտի	UTC+1 և UTC+2
ISO 3166-2 կոդ	FR-02
Անվանված է	Aisne?
aisne.com
Էնա Վիքիպահեստում

Բնություն

Համաձայն 2003 թ. գնահատականների, դեպարտամենտի անտառածածկ տարածքների մակերեսը եղել է 123 392 հեկտար, որն ընդհանուր տարածքի ավելի, քան 16.7%-ն է^[2]։ Հին անտառների մեծ մասը վնասվել են Առաջին համաշխարհային պատերազմի ճակատամարտերի ժամանակ։ Բնապատկերներում գերակշռում են զառիթափ ժայռոտ տեղանքները։ Ժայռերը երևում են ամբողջ տարածաշրջանում, սակայն գլխավոր քաղաք Լանի մոտ դրանք առավել տպավորիչ են։

Երկաթուղագծեր

Համայնքի տարածքը հատում են Փարիզից եկող երկաթուղային երեք գիծ, երկուսը՝ Հյուսիսային, մեկն Արևելյան կայարաններից։ 1873 թ. Էնա դեպարտամենտում գործել է տասը երկաթուղային ընկերություն՝ 382 կմ ընդհանուր երկարության գծերով^[3]։

Տնտեսություն

Տնտեսության մեջ գերակշռում են գյուղատնտեսական ճյուղերը՝ հացահատիկային բույսերի, մետաքսի, բամբակի, բրդի մշակումը։ Գյուիզը էնայի հյուսիսում գտնվող գյուղատնտեսական կենտրոն է։ Սեն-Գոբենը դեռևս 17-րդ դարից հայտնի է հայելիների արտադրությամբ։

Խոհանոց

• Խոհանոցը գեղջկական է։ Դեպարտամենտի հյուսիսը անասնապահական տարածք է և շատ են կովի կաթից պատրաստված մթերքները, ինչպես, օրինակ, մարոյ պանիրը և խտացրած կաթը։ Նաև հանդիպում է Պիկարդիային բնորոշ կրեպի մի տեսակ՝ «ֆիսել»` հալած պանրով, ապուխտով և սնկով։ Այստեղ պատրաստում են նաև բարձր որակի ֆուա-գրա;
• Տոնավաճառները` պանրի (Լա Կապել), արնային նրբերշիկի (Սեն-Քվենտին);

Էնայի հետ կապ ունեցած նշանավոր մարդիկ

• Ժան դը Լաֆոնտենը (1621-1695 թթ.) եղել է Շատո-Տյերիից;
• Ալեքսանդր Դյուման եղել է Վիլեր-Կոտրեից;

• Գրական հերոս Ժան Վալժանը ծնվել է Ֆավրոլում, Էնա;

• Անրի Մատիսն իր մանկությունն անց է կացրել Բոեն-ան-Վերմանդուայում;
• Արդյունաբերող և բարերար Ժան Բատիստ Գոդենը (1817-1888 թթ.)
• Փիլիսոփա, մաթեմատիկոս և քաղաքագետ Նիկոլա դը Կոնդորսեն (1743-1794 թթ.) եղել է Ռիբմոնից։

Ծանոթագրություններ

1. Populations légales 2021 — The National Institute of Statistics and Economic Studies, 2023.
2. National Forestry Inventory: Départment of Aisne
3. Geography of the department of Aisne (2nd edition), by Adolphe Joanne, 1874, p. 36

Արտաքին հղումներ

• Պրեֆեկտուրայի պաշտոնական կայք
• Գերագույն խորհրդի կայք

Սետմոնում պահպանված դղյակ։

Վիքիպահեստն ունի նյութեր, որոնք վերաբերում են «Էնա (գավառ)» հոդվածին։