Horst Seehofer

Horst Lorenz Seehofer es un politico de Germania. Il nascet li 4 de julí 1949 in Ingolstadt e esset inter li annu 2008 e 2018 prim-ministre de Bavaria. Horst Seehofer esset anc presidente del conservativ partise Cristan Social Union in Bavaria inter li 25-im de octobre 2008 til 19-im de januar 2019 e inter 14-im de marte 2018 til 8-im de decembre 2021 ministre por interni aferes, construction de comunitá de Germania in li guvernament de Angela Merkel.

Horst Seehofer
Horst Seehofer
Land	Germania Germania
Nascentie	4-im Julí 1949 in Ingolstadt
Partise	Cristan Social Union in Bavaria
Oficies
Prim-ministre de Bavaria
Quande	27-im de octobre 2008 til 13-im de marte 2018
Antecessor	Günther Beckstein
Successor	Markus Söder
Presidente del partise Cristan Social Union in Bavaria
Quande	25-im de octobre 2008 til 19-im de januar 2019
Antecessor	Erwin Huber
Successor	Markus Söder
Ministre por interni aferes, construction de comunitá de Germania
Quande	14-im de marte 2018 til 8-im de decembre 2021
Antecessor	Thomas de Maizière
Successor	Nancy Faeser

Personal e professional vive

Horst Seehofer ne studiat pos li scola, ma fat un aprentisage in li administration de Bavaria e laborat in administration del país federal Bavaria. In li annu 1979 il finit un studie del economie in München.

Horst Seehofer esset maritat inter 1974 e 1982 con Christine Hildegard. Horst Seehofer es desde li annu 1985 maritat con Karin Seehofer e li cuple have du filias e un filio. Il have anc un filia ex un extra-marital relation con Anette Fröhlich.

Political cariera

• 1971 Horst Seehofer devenit membre del Cristan Social Union in Bavaria.
• 1980-2008 Horst Seehofer esset membre in li parlament de Germania por li Cristan Social Union in Bavaria.
• 1992-1998: Horst Seehofer esset ministre por sanitá de Germania in li guvernament de Helmut Kohl.
• 1994-2008 Horst Seehofer esset un del vice-presidentes del Cristan Social Union in Bavaria.
• 2005-2008: Horst Seehofer esset ministre por nutrition, agricultura e protection del consumpterantes in li guvernament de Angela Merkel.
• 2008-2018 Horst Seehofer esset prim-ministre de Bavaria.
• 2008-2019 Horst Seehofer esset presidente del conservativ partise Cristan Social Union in Bavaria inter li 25-im de octobre 2008 til 19-im de januar 2019.
• 2018-2021 Horst Seehofer esset inter 14-im de marte 2018 til 8-im de decembre 2021 ministre por interni aferes, construction de comunitá de Germania in li guvernament de Angela Merkel.