Konrad Henlein

Konrad Ernst Eduard Henlein esset un functionario del Nationalsocialisme del Sudeten-Germanes. Il nascet ye li 6-im de may 1898 in Maffersdorf (hodie:Vratislavice nad Nisou) e morit ye li 10-im de may 1945 in Plzeň per suicide. Konrad Heinlein esset li fundator e unic presidente del Partise del Sudenten-Germanes inter li 1-im de octobre 1933 til li anexion del Sudetenland a Germania e il esset li Gauleiter del Sudetenland intra li German Imperie.

Konrad Henlein
Konrad Henlein
Land	Germania Germania
Nascentie	6-im May 1898 in Vratislavice nad Nisou (Maffersdorf)
Morte	10-im May 1945 in Plzeň
Partise	Nationalsocialist German Partise de Laboreros
Oficies
Gauleiter del Sudetenland
Quande	1-im de octobre 1938 til 8-im de may 1945
Antecessor	nov position
Successor	abandonat function
Presidente del Partise del Sudenten-Germanes
Quande	1-im de octobre 1933 til 5-im de novembre 1938
Antecessor	ne esset
Successor	function abolit

Personal e professional vive

Konrad Henlein fat pos li scola un aprentisage in un bank. Il combattet in li Unesim Guerre Mundal inter 1916-1917 por li armé de Austria-Hungaria. In li novembre 1917 esset captet de Italia. Pos li guerre il laborat denov in un bank in li nov fundat state Tchecoslovakia. Konrad Henlein esset anc actic in li german-national gimnastic movement. In li annu 1925 il comensat laborat quam instructor de gimnastica in Aš (German: Asch).

Durant li Duesim Guerre Mundal Konrad Henlein ne ludet un grand rol in li politica e ne havet real potentie malgré su position quam chef del Sudetenland intra Germania. Reinhard Heydrich desfidet Henlein.

Konrad Henlein maritat in li annu 1926 li gimnast Emma Geyer e li cuple quin infantes.

Functiones e political activitá

• 1931 Konrad Henlein devenit presidente del Asociation de gimnastes de Sudentenland.
• 1933 Konrad Henlein fundat ye li 1-im de octobre 1933 Sudentendeutsche Heimatfront, quel changeat su nómoine a Partise del Sudenten-Germanes in li annu 1935, e devenit su presidente.
• 1933-1938 Konrad Henlein esset presidente del Partise del Sudenten-Germanes inter 1-im de octobre 1933 e li 5-im de novembre 1938.
• 1938 Pos li anexion del Sudetenland al nationalsocialist Germania Konrad Henlein devenit membre del Nationalsocialist German Partise de Laboreros e del SS.
• 1938 Konrad Heinlein esset chef del paramilitari Sudetendeutsches Freikorps inter may e novembre 1938.
• 1938-1945 Konrad Henlein esset chef (Gauleiter) del anexet Sudetenland intra Germania.
• 1938-1945 Konrad Henlein esset membre del parlament de Germania.
• 1945 Konrad Henlein morit per suicide ye li 10-im de may 1945 in li captivitá del armé del Unit States de America.