Max Verstappen

Max Emilian Verstappen es un motor-sportist de Nederland. Il nascet li 30-im de septembre 1997 in Hasselt (Belgia) e ganiat in li annu 2021 e 2022 li championatu mundal li max important automobil sport serie de Formul Un.

Max Verstappen
Max Verstappen
Land	Nederland Nederland
Nascentie	30-im de septembre 1997 in Hasselt (Belgia)
Ocupation	Motor-Sportist

Max Verstappen es activ in li Formul Un desde li annu 2015. Desde li annu 2016 il es pilot del Formul Un team Red Bull Racing. Til li decembre 2021 Max Verstappen partiprendet in 141 competitiones del Formul Un e ganiat 20 curses.

Teams in li Formul Un

• 2015-2016 Toro Rosso
• 2016-nu Red Bull Racing

Personal Vive

Li patre de Max Verstappen, Jos Verstappen anc esset un professional motor-sportist de Nederland. Su matre Sophie Kumpen orígina de Belgia e anc esset un activ motor-sportista. Pro su matre Max Verstappen have anc li civitá de Belgia.

Desde li annu 2020 Max Verstappen es un cuple con Kelly Piquet de Brasil, qui es li filia del ex-motor-sportist de Formul Un Nelson Piquet.