Departamento ti Boyacá
departamento ti Colombia / From Wikipedia, the free encyclopedia
Ti Boyacá (Panangibalikas nga Espaniol: [boʝaˈka]) ket maysa kadagiti 32 a departamento ti Colombia, ken maysa a tidda kadagiti kasisigud a siam nga estado ti "Estados Unidos ti Colombia".
Departamento ti Boyacá
Departamento de Boyacá | |
---|---|
Pasasao: Boyacá, Rebbeng ti Tunggal maysa (Espaniol: Boyacá, Deber de todos) | |
Nagsasabtan: 5°32′N 73°22′W | |
Pagilian | Colombia |
Rehion | Rehion ti Andes |
Pannakabangon | 1858 |
Kapitolio | Tunja |
Gobierno | |
• Gobernador | Juan Carlos Granados (Partido Sosial ti Nailian a Panagkaykaysa) |
Kalawa | |
• Dagup | 23,189 km2 (8,953 sq mi) |
• Ranggo | Maika-20 |
Populasion (2013)[3] | |
• Dagup | 1,272,844 |
• Ranggo | Maika-13 |
• Densidad | 55/km2 (140/sq mi) |
Sona ti oras | UTC-05 |
Kodigo ti ISO 3166 | CO-BOY |
Munisipalidad | 123 |
Website | www.boyaca.gov.co |
Ti Boyacá ket naisentro a mabirukan idiay Colombia, a gangani amin iti kaunegan dagiti kabanbantayan ti Dumaya Kordiliera aginggana ti pagbeddenganna ti Venezuela, urayno ti akinlaud a gibus ti departamento ket gumay-at idiay Karayan Magdalena idiay ili ti Puerto Boyacá. Ti Boyacá ket pagbeddenganna iti amianan ti Departamento ti Santander, ti amianan a daya iti Bolivariana a Republika ti Venezuela ken ti Departamento ti Norte de Santander, ti daya kadagiti departamento ti Arauca ken Casanare. Iti abagatan, ti Boyacá ket pagbeddenganna ti Departamento ti Cundinamarca ken ti laud ti Departamento ti Antioquia a sumaksakop daytoy ti dagup a kalawa ti 23,102 km² (8,880 kd mi). Ti kapitolio ti Boyacá ket ti siudad ti Tunja.
Ti Boyacá ket ammo a kas "Ti Daga ti Waya" gapu ta daytoy a rehion ket lugar idi dagiti serye ti gubgubat a nakaiturongan ti pannakawayawaya ti Colombia manipud iti Espania. Ti immuna ket napasamak idi Hulio 25, 1819 idiay Pantano de Vargas ken ti kanungpalan ken nangipatingga iti gubat nga ammo a kas ti Gubat ti Boyacá idi Agosto 7, 1819 idiay Puente de Boyacá.
Ti Boyacá ket pangibalayan dagiti tallo nga unibersidad: ti Universidad Pedagógica y Tecnológica de Colombia (UPTC), ti Universidad de Boyacá (UNIBOYACA), ken ti Unibersidad ti Santo Tomás.