Unikonta

Daytoy ket mangiraman kadagiti amoebozoa, opisthokonta,^[1][2] ken mabalin pay a dagiti Apusozoa.^[3]

Unikonta Sakup ti panawen: Nasapa nga Ektasiano – Agdama, 1400–0Ma Had'n Arkeano Proterosoiko Pha.
Agpakanawan, manipud iti ngato ak anigid: Abeoforma whisleri (Ichthyosporea); Amanita muscaria (Fungi); Desmarella moniliformis (Choanoflagellatea); Bonnet Macaque (Metazoa); Nuclearia thermophila (Nucleariida); Amoeba proteus (Amoebozoa)
Taksonomia
Dominio:	Eukaryota
(di nairanggo):	Unikonta Cavalier-Smith, 2002
Dagiti subgrupo
Obazoa Breviata Apusomonadida Opisthokonts Amoebozoa
Kapada a nagan
Amorphea Adl et al., 2012 Opimoda Derelle et al., 2015

Klado

Ti grupo ket mangiraman kadagiti eukaryotiko a selula, a kaaduan ket addan ti agmaymaysa a sibibiag a flagelo, wenno dagiti amoebae nga awan iti flagelo. Dagiti unikonta ket mangiraman kadagiti opisthokonta (dagiti ayup, dagiti fungus, ken dagiti mainaig a porma) ken Amoebozoa. Iti maigiddiat dagiti dadduma pay a kaaduan nga ammo a grupo ti eukariota, a kaaduan a kadawyan nga addaan iti dua a sibibiag a flagelo (urayno adu met dagiti mailaksid) ket masansan a makunkuna a kas dagiti bikonta. Dagiti bikonta ket mairaman dagiti Archaeplastida (mulmula ken kabkabagian), Excavata, Rhizaria, ken Chromalveolata.

Dagiti pakailasinan

Dagiti unikonta ket addaan iti tallo a panagtitipon ti gene nga awan kadagiti bikonta. Dagiti tallo a genes a naitiptipon kadagiti unikonta ngem saan a ti bakteria wenno dagiti naikodigo nga ensima dagiti bikonta para iti sintesis dagiti pirimidina nukleotido: carbamoyl phosphate synthase, dihydroorotase, aspartate carbamoyltransferase. Daytoy ket mabalin a nakairamanan ti dua a panagtitipon, ti manmano a paris kadagiti pasamak, amangsupsuporat ti nakibinningayan a tinaudan ti Opisthokonta ken Amoebozoa.

Ni Cavalier-Smith^[4] ket kasisigud a nagisingasing a dagiti unikonta ket nagtaudda nga addaan iti agmaymaysa a flagelo ken agmaymaysa a basal a bagi. Daytoy ket saan a mabalin a kasta, nupay kasta, a kas dagiti adda ti flagelo nga opisthokonta, ken dagiti pay adda ti flagelo nga Amoebozoa, a mairaman ti Breviata, ket pudno nga adda ti dua a basal a bagbagi, a kas dagiti kadawyan a 'bikonta' (urayno maymaysa laeng ti addaan iti flagelo iti kaaduan kadagiti unikonta). Daytoy naparisan a pannaka-urnos ket mabalin pay a makita iti organisasion dagiti sentriolo kadagiti kadawyan a selula ti ayup. Urayno kastoy ti nagan ti grupo, ti sapasap a tinaudan dagiti amin nga 'unikonta' ket mabalin idi a selula nga addaan iti dua a basal a bagbagi.