Berna

Ti siudad ti Berna (Aleman: Bern, panangibalikas [ˈbɛrn] (dengngen); Pranses: Berne [bɛʁn]; Italiano: Berna [ˈbɛrna]; Romanche: Berna [ˈbɛrnə]; Bernes nga Aleman: Bärn [b̥æːrn]) ket isu ti Bundesstadt (pederal a siudad, de facto kapitolio) iti Suisa, ti maikapat a kaaduan ti populasion a siudad idiay Suisa.^[3] Ti Berna nga aglomerasion, a mangiraman dagiti 43 a munisipalidad,^[4] ket addaan iti populasion iti 353,300.^[5] Ti metropolitano a lugar ket addaan idi ti populasion iti 660,000 idi 2000.^[6] Ti Berna ket isu pay ti kapitolio ti kanton ti Kanton iti Berna, ti maikadua a kaaduan ti populasion kadagiti kanton ti Suisa.

Berna
Siudad
Ti pannakailadawan ti Berna
Wagayway Eskudo
Ipakita ti mapa ti Berna Ipakita ti ladawan a mapa ti Berna Berna Ipakita ti mapa ti Suisa
Nagsasabtan:
Pagilian	Suisa
Napundar	1191
Gobierno
• Daulo	Marieke Kruit
Kalawa [1]
• Dagup	51.62 km2 (19.93 sq mi)
Kangato	542 m (1,778 ft)
Populasion  (Disiembre 31, 2023)[2]
• Dagup	136,988
• Densidad	2,700/km2 (6,900/sq mi)
Sona ti oras	UTC+01:00, UTC+02:00
Kodigo ti koreo	3000, 3001, 3003, 3004, 3005, 3006, 3007, 3008, 3010, 3011, 3012, 3013, 3014, 3015, 3018, 3019, 3020, 3024, 3027, 3029, 3030
Kodigo ti lugar	031
Website	www.bern.ch

Ti opisial a pagsasao ti Berna ket ti Aleman, ngem ti nangruna a naisasao ket ti Alemanniko a dialekto a tinawtawagan a Bernes nga Aleman.

Idi 1983 ti naipakasaritaan a daan nga ili idiay tengnga ti Berna ket nagbalin a maysa a UNESCO a Tinawtawid a Lugar ti Lubong, ken ti Berna ket nairanggo kadagiti 10 a kasayaatan a siudad iti lubong para iti nasayaat a kita ti panagbiag (2010).^[7]