Karnero

Ti karnero (Ovis aries) ken dagiti uppat ti saka, managngalngal a mamalia a kadawyan a natartaraken a kas dingoen. Kasla dagiti amin met laeng a managngalngal, ti karnero ket kamkameng ti urnos ti Artiodactyla, dagiti paris ti ramay ti saka nga ungulata. Urayno ti nagan a "karnero" ket maipakat kadagiti sebbangan ti henero ti Ovis, iti inaldaw a panagusar daytoy ket kankanayon a mangibagbaga iti Ovis aries. Dagitoy ket addaan iti sumurok bassit iti maysa a bilion,ti napaamo a karnero ket isu dagitoy ti kaaduan a sebbangan ti karnero.

Karnero
Ti arban ti karnero.
Kasasaad ti panagay-aywan
Napaamo
Taksonomia
Pagarian:	Animalia
Pilo:	Chordata
Klase:	Mammalia
Urnos:	Artiodactyla
Pamilia:	Bovidae
Subpamilia:	Caprinae
Henero:	Ovis
Sebbangan:	O. aries
Dua a nagan
Ovis aries Linnaeus, 1758
Kapada a nagan
Ovis guineensis Linnaeus, 1758 Ovis strepsiceros Linnaeus, 1758

Ovis aries.

Ti karnero ket mabalin a nagtaud manipud iti naatap a mouflon iti Europa ken Asia. Maysa daytoy kadagiti kasapaan nga ayup a napaamo para kadagiti panggepen ti agrikultura, ti karnero ket natartaraken para iti lana, karne ken gatas. Ti lana ti karnero ket isu ti kaaduan a naus-usar a sagut ti ayup, ken kankanayon a naap-apit babaen ti panagpukis. Ti karnero ket agtultuloy a nangruna para iti lana ken karne ita nga aldaw, ken sagpaminsan pay a natartaraken para kadagiti lalat, kas dagiti paggatasan nga ayup, wenno kas dagiti modelo nga organismo para iti siensia.