Sinuratan a Latin

Para iti Latin a sinuratan nga inus-usar para iti pagsasao a Latin, kitaen ti alpabeto a Latin.

Ti sinuratan a Latin, wenno sinuratan a Romano, ket isu ti sistema ti panagsurat a naibatay kadagiti letra iti alpabeto a klasiko a Latin ken dagiti naipaatiddog a pormana. Daytoy ket inus-usar a kas ti alagaden a pamay-an iti panagsurat kadagiti kaaduan a pagsasao ti Lumaud ken Tengnga nga Europa, ken dagiti pay pagsasao manipud kadagiti sabali a paset iti lubong. Ti Latin a sinuratan ket isu ti batayan para iti kaaduan a bilang dagiti abesedario iti aniaman a sistema ti panagsurat^[1] ken isu daytoy ti kaaduan a kaaduan a naampon a sistema ti panagsurat iti lubong. Daytoy pay ti batayan iti Internasional a Ponetiko nga Alpabeto. Dagiti 26 a kaaduan a letra a nailaon iti batayan nga alpabeto ti Latin ti ISO.

Latin Romano
Kita	Alpabeto
Sasao	Latin, Sasao a Romanse, Sasao a Hermaniko, ken dagiti dadduma pay
Panawen	~700 BC–agdama
Sistema ti nagannak	Heroglipiko nga Ehipsio Alpabeto a Proto-Sinaitiko Alpabeto a Penisio Alpabeto a Griego Alpabeto nga Etrusko Latin Romano
Sistema ti annak	Nadumaduma: kitaen ti Dagiti alpabeto a naibatay iti Latin
Sistema ti kabsat	Siriliko Koptiko Armenio Runiko/Futhark
ISO 15924	Latn, 215
Turong	Agpakanawan
Alias ti Unicode	Latin
Sakop ti Unicode	Kitaen ti Dagiti Latin karakter ti Unicode

Nagan

Ti sinuratan ket mabalin a tawagan iti sinuratan a Romano wenno sinuratan a Latin, manipud iti taudanna iti Romano nga Imperio. Iti kontesto iti transliterasion ti termino a "romanisasion" ket kankanayon a mabirbirukan.^[2][3] Ti Unicode ket agus-usar ti termino a "Latin"^[4] ken ti pay Gunglo ti Sangalubongan para iti Panagalagad (ISO).^[5] Dagiti numerasion ket makunkuna a dagiti numerasion ti Romano.

Kitaen pay

Alpabeto a Latin