Papa Pelagio II

Ni Papa Pelagio II ket isu ti Papa manipud idi 579 aginggana idi 590.

Pelagio II
Panagrugi	579
Pannakalpas	590
Sinaruno	Benedicto I
Simmaruno	Gregorio I
Bukod a Salaysay
Nagan a naipasngay	Pelagius
Naipasngay	520 Roma, Pagarian dagiti Ostrogodo
Pimmusay	590 Roma, Akindaya a Romano nga Imperio
Dagiti sabali pay a Papa nga agnagan ti Pelagio

Isu ket katutubo ti Roma, ngem mabalin nga isu ket kaputotan nga Ostrogodo, gapu ta ti nagan ti amana idi ket Winigild.

Ni Pelagio ket nagkidkidaw ti tulong manipud ti kenni Emperador Mauricio a sumuppiat kadagiti Lombardo, ngem dagiti Bisantino ket saanda a timmultulong, a nagpilit daytoy kenni Pelagio a "gimmatang" ti maysa a panagkappia ken simmupiat kadagiti Pranko, a nagraut ti Italia, ngem pimmanawda met laeng kalpasan ti panagsuksok babaen dagiti Lombardo.

Ni Pelagio nagob-obra a nangipangato ti kleriko a biag a di mangasawa, ken nangited kadagiti nainget nga alagaden iti daytoy a banag a naipagarup a nainget unay babaen ti simmaruno kaniana a ni Papa Gregorio I, ken nangbalbaliwa iti daytoy.

Idi las-ud ti kinapapana, ti obispo ti Milan, a nagsardeng a nagkomulgar iti Roma iti Panagsisina dagiti Tallo a Kapitulo, ket nagsubli ti napno a panagkomulgar idi agarup ti 581, bayat a dagiti dadduma nga opbispo idiay Akin-amianan nga Italia ket nagbatbatida iti pannakisina.

Ni Pelagio ket nagbilbilin ti panangipatakder ti Basilica di San Lorenzo fuori le Mura, ti simbaan nga santuario idiay lugar nakamartiran ni San Lorenzo. Idi las-ud ti panagturayna, dagiti Visigodo ti Espania ket nagkombertidoda, ngem isu ket nakasangsango pay kadagiti suppiatan iti Sede ti Konstantinopla para iti panagampon iti titulo ti "Patriarka nga Ekumeniko," a namatmatian ni Pelagio a mangdadael ti panagturay ti papa.

Ni Pelagio ket nabiktima iti peste a nangdadael iti Roma idi patingga ti 590.