![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b3/SBD-3_Dauntless_bombers_of_VS-8_over_the_burning_Japanese_cruiser_Mikuma_on_6_June_1942.jpg/640px-SBD-3_Dauntless_bombers_of_VS-8_over_the_burning_Japanese_cruiser_Mikuma_on_6_June_1942.jpg&w=640&q=50)
Batalio di Midway
From Wikipedia, the free encyclopedia
La Batalio di Midway (Japoniane: ミッドウェー海戦; «Middowē Kaisen») esas navala (ma precipue per avioni) batalio inter Usa e Japonia qua eventis de la 4ma til la 7ma di junio 1942 en Pacifiko dum Duesma mondomilito. Ol eventis un monato pos la batalio di Koralia maro e sis monati pos l'atako kontre Pearl Harbor.
Batalio di Midway | |||
![]() | |||
Usana avioni Douglas SBD-3 Dauntless atakas Japoniana navo Mikuma triesmafoye dum la batalio di Midway. | |||
Konflikto: | Duesma mondomilito | ||
Dato: | de la 4ma til la 7ma di junio 1942 | ||
Loko: | Oceano Pacifiko proxim l'atolo Midway | ||
Rezulto: | Decidigiva Usana vinko. | ||
![]() |
↔ | ![]() | |
Chester W. Nimitz Frank J. Fletcher Raymond A. Spruance |
↔ | Isoroku Yamamoto Nobutake Kondo Chuichi Nagumo Tamon Yamaguchi Ryusaku Yanagimoto | |
3 avionala transportonavi ~25 altra navi 233 avioni en avionala transportonavi 127 altr avioni |
↔ | 4 avionala transportonavi 2 navo por kombati ~15 altra navi 248 avioni, precipue en avionala transportonavi 16 hidro-avioni | |
1 avionala transportonavo ed 1 kontre-torped-navo dronita 150 avioni destruktita 307 militisti perisis |
↔ | 4 avionala transportonavi ed 1 krozero dronita 248 avioni destruktita o dronita 3.057 morti | |
{{{perdaji}}} |
Admiralo Isoroku Yamamoto aranjabis kaptilo por atakar l'aerala e navala bazo che l'Atolo Midway. Tamen Usani dechifris la kodexigita mesaji pri la prepari dil atako, do l'admiralo Chester W. Nimitz decidis facar embusko qua destruktis multa avioni ed importanta navi Japoniana.
Tri faktori helpis Usa:
- la rapida reparo en Havayi dil avionala transportonavo USS Yorktown,
- la dechifro di la militala kodexi Japoniana,
- dum ke multa Japonian avioni Mitsubishi A6M Zero uzesis por destruktar l'Usan avioni Douglas TBD Devastator preske sur marala nivelo, li ne povis opozar l'ataki Usana de granda altitudo per pik-bombardili Dauntless kontre Japoniana floto, note kontre importanta Japoniana avionala transportonavi.
Japoniani anke decidabis samatempe invadar l'insuli Aleuti, en Alaska, ed uzis kelka navi qui povus rinforcar la floto proxim Midway.