Charles Trenet
From Wikipedia, the free encyclopedia
From Wikipedia, the free encyclopedia
Charles Trenet (n. ye la 18ma di mayo 1913 en Narbonne, Francia til la 19ma di februaro 2001 en Créteil) esis Franca kantisto e kompozisto di kansoni, inter li "La Mer", "Boum!", ed "Y'a d'la joie". Ilua kariero duris dum plu kam 60 yari.
| Charles Trenet | ||
 | ||
| Profesiono: | kantisto | |
| Lando: |  Francia | |
| Naskodato: | 18 di mayo 1913 | |
| Nasko-loko: | Narbonne, Francia | |
| Mortodato: | 19 di februaro 2001, 18 di februaro 2001 | |
| Morto-loko: | Créteil, Francia | |
Evante sis yari Trenet sendesis ad internerio en Béziers, ma retroiris a lua domo kelka monati pose, sufrinta de tifoid-febro. Esis dum konvaleco ke il developis lua artala talenti en muziko, piktado e skultado. En 1922 la familio iris a Perpignan ube ilu duris studiar. Ilu ne prizis matematiko, tamen pasis finala exameno maxim bone. Pose ilu iris a Berlin por studiar arto.
Kande Trenet instalis su en Paris ilu komencis en cinemo, pose juntis su kun artisti en Montparnasse. Il laboris kun pianisto Johnny Hess, che kabareto Le Fiacre til 1936, kande ilu mustis facar nacionala servicio. Pose Trenet recevis la surnomo quan ilu konservis dum sua tota vivo, Le fou chantant (la fola kantisto).
Dum la duesma mondomilito, ilu kunvokesis e servis en Salon-de-Provence til 1940, kande ilu desmobilizesis. Ilu retroiris a Paris, e laboris che kabareti Folies-Bergère e Gaieté Parisienne por publiko lor konsistanta ek Germana oficisti. En 1944, dum tale nomizita Épuration légale ("legala purgo" - la judiko di personi akuzita pri kunlaboro kun Naziisti o kun la rejimo di Vichy) examinesis se ilu kunlaboris kun Naziista rejimo, ma la rezulto nur esis reprimando sen plusa konsequi.
Kande la duesma mondomilito finis, Charles Trenet iris rezidar en Usa, ube ilu rapide sucesis. Pos kelka koncerti en New York, ilu iris a Hollywood. Ilu divenis amiko di Louis Armstrong e Charles Chaplin. Ye la 14ma di septembro 1951, ilu retroiris a Francia por durigar ilua kariero, e facis prizentado che Théâtre de l'Étoile. En 1954 il unesmafoye prizentis su che Olympia, koncerto-domo en Paris.
En aprilo 2000 ilu subisis cerebrala stroko. En novembro 2000, la domo en Narbonne ube ilu naskis transformesis en muzeo. Ye la 19ma di februaro 2001, Trenet mortis pos subisar altra cerebrala stroko.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
