From Wikipedia, the free encyclopedia
De 2019 til nun, l'ekonomio di Libano subisas grava krizo en multa sektori, inkluzite bankroti e perdajo di kapaceso pri pagar debi. La lando havas ekonomio di merkato libera, sen guvernala restrikti koncerne extera kolokado. La lando rekuperis su pos l'interna milito di 2006, kun mezavalora yarala kresko di 9,1% de 2007 til 2010.[3] Depos 2011, la lando afektesis dal interna milito di Siria, e kreskis mezavalore 1,7% de 2011 til 2016, ed 1,5% en 2017.[3]
Ekonomio di Libano | ||
---|---|---|
Pekunio | Pundo di Libano | |
Internaciona organizuri | CAEU | |
Statistiki [1] | ||
Totala nacionala produkturo (TNP) | US$ 72 577 milioni (2021) | |
Rango TNP | 101ma[2] maxim granda | |
Kresko di TNP | -7% (2021) | |
TNP po persono | US$ 13 000 (2021) | |
TNP segun sektoro | agrokultivo 5,7%, industrio 25%, servadi 69,3% | |
Inflaciono | 154,76% (2021) | |
Habitantaro sub la povreso-lineo | 27.4% (2011) | |
Laboro-povo | 1 719 000 (2021) | |
Laboro-povo segun okupo | N/D | |
Chomeso | 14,49% (2021) | |
Komercala parteneri [1] | ||
Exportaci (US$) | 10 147 milioni (2021) | |
Precipua parteneri | Suisia 27%, Unionita Araba Emirii 15%, Sud-Korea 11%, Saudi-Arabia 7%, Kuwait 6% (2019) | |
Importaci (US$) | 17 383 milioni (2021) | |
Precipua parteneri | Unionita Araba Emirii 11%, Popul-Republiko Chinia 10%, Italia 8%, Grekia 8%, Turkia 7%, Usa 6% (2019) | |
Publika financi [1] | ||
Extera debo | 40,74 miliardi (2016) | |
Revenuo totala (US$) | 11,62 miliardi (2017) | |
Spenso totala (US$) | 15,38 miliardi (2017) | |
Noto: Ecepte kande kontree mencionata, valori en ca tabelo esas en Usana dolari |
La precipua ekonomial agado di la lando esas servadi, nome bankala servadi e turismo. Korupto, subornado, alta imposti e poka protekto a l'intelektala proprieti afektas aferal ambiento. Segun neguvernal organizuro Transparency International, Libano rangizesas 138ma plaso ek 180 landi en inquesto kun lua habitanti pri percepto di korupto. En julio 2020 havadi di Riad Salamé, prezidanto dil banko Banque du Liban depos 1993, blokusesis pro akuzi kontre lu pri fraudo e mala jerado od administrado di publika renti.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.