![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5f/Henri-Edmond-Cross-Self-portrait.jpg/640px-Henri-Edmond-Cross-Self-portrait.jpg&w=640&q=50)
Henri-Edmond Cross
From Wikipedia, the free encyclopedia
Henri-Edmond Cross (Douai, 20ma mayo 1856 – Saint-Clair, 16ma mayo 1910) esis franca piktisto qua precipue laboris per la stilo pointillisme.
![Thumb image](http://upload.wikimedia.org/wikipedia/commons/thumb/5/5f/Henri-Edmond-Cross-Self-portrait.jpg/320px-Henri-Edmond-Cross-Self-portrait.jpg)
Cross, di qua la vera nomo esis Henri-Edmond Delacroix, en 1883 angligis sua familionomo por havar artistonomo. (Lua matro esis di britana deveno.) Il kreskis en Lille e komencis studiar lego. Pose il lernis piktar che François Bonvin e studiis che la École des Beaux-Arts en Paris.
Cross laboris unesme per la stilo realismo uzante sat pezoza kolori. Lua koloraro heleskis kande lu konoceskis la verki da Claude Monet e Georges Seurat.
Kun la nov-impresionisti Seurat e Paul Signac il fondis en 1884 la Société des Artistes Indépendants. Pro influo da Signac il transiris a pointillisme. Il uzis ibe ne vere punti, ma plu larja pinselstroki.
Cross facis portreti, nudi, senviva pikturi e maro-pikturi. Il uzis precipue prima kolori, pro quo il povas konsideresar kom prekursoro di fauvisme. Ultre lua verki per oleo-farbo il anke produktis multa aquareli.
![Thumb image](http://upload.wikimedia.org/wikipedia/commons/thumb/b/bf/Cross-Baie-Cavali%C3%A8re-Annonciade.jpg/640px-Cross-Baie-Cavali%C3%A8re-Annonciade.jpg)