José Saramago
From Wikipedia, the free encyclopedia
José de Sousa Saramago naskis en Azinhaga, urbo Golegã, Portugal, ye la 16ma di novembro 1922. Il laboris kom jurnalisto che plura jurnali, i.a. Diário de Notícias (DL), di qua il esis chef-redaktero. Pose il habiteskis la insulo Lanzarote, en Kanarii, Hispania. Il esas un del maxim lektata e tradukata skriptisti Portugalana. En 1991 il ganis la "Granda Premio" dil Portugalana Skriptist-Asociuro, danke al romano O Evangelho Segundo Jesus Cristo ("L'Evangelio segun Iesu Kristo"), e la "Premio Camões" en 1996 po sua tota verkaro. En 1998 la Nobel-premio pri literaturo kronizis lua kariero: nul skriptisto Portugalana-lingua recevabis ta lauro.
José Saramago | ||
Profesiono: | skriptisto | |
Lando: | Portugal | |
Naskodato: | 16 di novembro 1922 | |
Nasko-loko: | Azinhaga, Ribatejo, Portugal | |
Mortodato: | 18 di junio 2010 | |
Morto-loko: | Tías, Lanzarote, Hispania | |
Retoloko: | https://www.josesaramago.org | |
Il ofte expresis opinioni pri politiko en Portugal e Hispania segun komunista vid-punto ed esis famoza iberiisto.