![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d5/Skagen_rooftops.jpg/640px-Skagen_rooftops.jpg&w=640&q=50)
Skagen
From Wikipedia, the free encyclopedia
Skagen esas la maxim nordala urbo en Dania, situita ye la estala litoro del peninsulo Skagen Odde en fora nordala Jylland.
![Thumb image](http://upload.wikimedia.org/wikipedia/commons/thumb/d/d5/Skagen_rooftops.jpg/640px-Skagen_rooftops.jpg)
Parto del municipo Frederikshavn en Nordjylland, ol situesas 41 kilometri norde de Frederikshavn e 108 kilometri nordeste de Aalborg. La Portuo di Skagen esas la chefa pesko-portuo di Dania ed ol anke havas prosperanta turisto-industrio, qua atraktas 2 milion homi yarale.
La nomo aplikesis originale al peninsulo ma ol nun anke referas al urbo. La habiteyo komencis dum la Mezepoko kom pesko-vilajo, famoza pro sua haringo-industrio.
Danke sua maro-peizaji, peskisti e vesperala lumo, vers la fino dil 19ma yarcento ol populareskis che grupo de impresionista artisti nun konocata kom la Skagen-Grupo.
En 1879, la Peskisto-Asociuro di Skagen establisesis kun la skopo helpar la lokala pesko-industrio per la fervoyo Skagensbanen, qua apertesis en 1890. La moderna portuo di Skagen apertesis ye 20 novembro 1907, e per la fervoyala konekti a Frederikshavn e cetera Dania, turismo komencis developesar.