Uniono por la Linguo Internaciona Ido
l'oficala organizuro dil Ido-movemento From Wikipedia, the free encyclopedia
l'oficala organizuro dil Ido-movemento From Wikipedia, the free encyclopedia
Uniono por la Linguo Internaciona Ido (ULI), esas l'oficala organizuro dil Ido-movemento.
L'Uniono por la Linguo Internaciona fondesis ye la 31ma di julio 1910 kun skopo developar e propagar la helpolinguo internaciona Ido. Ol esas la sucedanto di Uniono di la Amiki di la Linguo Internaciona[1] (1909)[2].
La §1 di la statuto di ULI definis la skopo di l'asociuro tale:
L'Uniono por la Linguo Internaciona havas la skopo a unionar en komun agado omna personi, qui aprobas la linguo internaciona Ido, quale ol esas definita per la deklaro dil Delegitaro por Adopto di Linguo Helpanta Internaciona e quale ol rezultis e rezultos de la labori dil Komitato di ULI; b. adoptar, propagar e developar ta linguo segun omna posibla e praktikal moyeni.
Do la chefa funcioni di la ULI esas la propagado di la linguo, l'organizado di yarala konferi en qua Idisti kunvenas, e la publikado di la revuo Progreso, komencata en la yaro 1908 da Louis Couturat, un del fondinti di la movemento.
L'ULI facas la sequant agadi:
Omna natural o yural persono, qua aprobas la linguo dil Uniono e helpas l' Uniono realigar lua skopi, povis divenar membro sive per direta adhero sive per mediaco di altra organizuro aprobita da Uniono. La membri de la nacionala Ido-asociuri ne esis automatale membri en l' ULI.
Segun §2 di la statuto la sideyo di l' ULI esas l'urbo en olqua la sekretario di la Direktanta Komitato lojas.
L'Uniono por la Linguo Internaciona Ido havas la sequanta organi:
La Direktanta Komitato administras l' Uniono e reprezentas ol oficale en omna aferi. La prezidero e la sekretario signatas en la nomo dil Uniono. La Komitato konsistas ek admaxime 15 membri. Ol elektesas omna 4 yari. La kandidati propozesas dal sekretario pos interkonkordo kun la cetera komitatani. La Komitato elektasas dal ensemblo dil Unionani.
La Linguala Komitato facas propozi a la Direktanta Komitato en linguala questioni. Exemple la Linguala Komitato propozis l' adopto ed oficaligo di nova vorti a la Direktanta Komitato.
La landala reprezenteri nominesas dal Komitato pos interkonsento kun la rispektiva landala federuro. Li reprezentas oficale l' Uniono en lia landi.
La ULI organizas konferi de Ido (Ido-konfero) e internaciona Ido-renkontri depos la yaro 1921. Videz la Listo di Ido-konferi ed internaciona Ido-renkontri
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.