Vaduz
From Wikipedia, the free encyclopedia
Vaduz esas chef-urbo di Liechtenstein. Ol ank esas sideyo di la nacionala parlamento. Segun statistiki dil yaro 2019 ol havis 5 668 habitanti. Lua tota surfaco esas 17,3 km².
Vaduz | ||
Peizajo di Vaduz. | ||
Standardo | Blazono | |
Lando: | Liechtenstein | |
Informo: | ||
Latitudo: | 47°08' N | |
Longitudo: | 9°31' E | |
Altitudo: | 445 m | |
Surfaco: | 17,3 km² | |
Habitanti: | 5 668 (2019) | |
Denseso di habitantaro: | 328 hab./km² | |
Horala zono: | UTC+1 (UTC+2 dum la somero) | |
Urbestro: | Ewald Ospelt | |
Mapo: | ||
Oficala retosituo: | ||
http://www.vaduz.li |
Vaduz esas la maxim konocata urbo dil princio, malgre ol ne esas la maxim populoza: la vicina Schaan havas plusa habitanti.
L'urbo mencionesis unesmafoye en 1150. Dum la 17ma yarcento la familio Liechtenstein decidis aquirar nobelesotitulo, e pro to kompris la minuskula urbeto Schellenberg en 1669 e la teritorii di la nuna Vaduz en 1712. La du urbeti havis exakte la politikala stando bezonata: l'unika feudala sioro de la du esis l'imperiestro.
Per ta moyeno, ye la 23ma di januaro 1719 l'imperiestro Karl la 6ma dekretis l'uniono di la du urbi por formacar Fürstentum (princio) kun la nomo Liechtenstein. Ca dio, ol divenis suverena princio interne la Santa Romana Imperio. Tamen, dum 120 yari la princi di Liechtenstein nulatempe vizitis la princio.