![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5f/Mahameru-volcano.jpeg/640px-Mahameru-volcano.jpeg&w=640&q=50)
Volkano
From Wikipedia, the free encyclopedia
Volkano esas “truo” por lavao en surfaco di la Tero. Lavao levas su alonge brecho di kontinento-plaki di la Tero. En surfaco lavao koldeskas e formacas monto.
![Thumb image](http://upload.wikimedia.org/wikipedia/commons/thumb/5/5f/Mahameru-volcano.jpeg/640px-Mahameru-volcano.jpeg)
Esas quar tipi de volkani:
- Neeskarpa-deklivala shildo-volkani esas basa, ma li expansas tre larje. Tala volkano naskas, kande ajile lavao fluas alonge neeskarpa deklivi. Exemple, volkani en Islando, Mauna Loa en Havayi.
- Kono-forma strato-volkani esas eskarpa ed alta. Talas volkano naskas, kande rigida lavao koldeskas rapide e formacas harda surfaco. Exemple, Etna en Sicilia, Mayon en Filipini. Maxim alta kono-forma volkano esas 5897-metra Cotopaxi en Andina regiono di Equador.
- Explozebla volkani esas alta koni. Pos erupto la lavao formacas robineto sur boko dil volkano. Tala volkano explozas e jetas petro e lavao fore. Exemple, Santorini en Egea maro posible esis tala volkano, quo eruptis ye 1645 aK.
- Supervolkani esas krulinta krateri, qui ne formacas kono sur lando. L’ erupto di tala volkano povas efektigor “nukleara vintro” en mondo. Tala volkano existas, exemple, en Sumatra e Yellowstone, Usa.