Aljer

Aljer esas la chef-urbo e maxim populoza urbo di Aljeria. Segun statistiki dil yaro 2011, ol havis 3 415 811 habitanti. Lua tota surfaco esas 273 km². On kalkulas ke lua metropolala regiono havas cirkume 5 milion habitanti.

Aljer Alger (Franca) الجزائر (Araba)

Kelk imaji pri Aljer.

Standardo	Blazono
Lando:	Aljeria
Provinco:	provinco Aljer
Informo:
Latitudo:	36°43′57″N
Longitudo:	03°05′14″E
Altitudo:	10 m
Surfaco:	363 km²
Habitanti:	3 004 130 (2024)
Denseso di habitantaro:	8300 hab./km²
Horala zono:	UTC+1
Urbestro:	Mahdia Benghalia
Mapo:

Aljer jacas apud Mediteraneo, e povas dividesar en du zoni. La moderna zono konsistas ek moderna edifici konstruktita proxim mar-bordo, kontre ke l'anciena zono, habitita dal dey (lokala chefi) dum l'epoko di Otomana dominaco, okupas kolinoza areo doplanda. La kasbah (citadelo) di Aljer jacas en la maxim alta punto de ca zono, 122 metri sur marala nivelo. La nomo dil urbo devenas de Araba frazeto al-jazair quo signifikas "l'insula".

Aljer fondesis dal Feniciani cirkume la yaro 2000 aK, sur quar insuli. L'insuli juntesis a la lando en 1525. Nun, l'urbo esas la maxim importanta turistala destino di Aljeria, pro sua granda quanto di muzei, arto-galerii e kulturala centri, ma anke pro sua historiala centro, kun edifici en stili Otomana ed Andaluza, qua klasifikesis kom Mondala Patrimonio di la Homaro da UNESKO. La Franca sektoro dil urbo esas plu granda, e havas konstrukturi en diferanta stili.

L'universitato di Aljer, la maxim anciena e prestijoza de la lando, fondesis en 1909, e rezultis de la fuzo di diferanta edukala institucuri Franca.