Daniel Bernoulli

Daniel Bernoulli, n. ye la 8ma di februaro 1700 til la 17ma di marto 1782, esis Suisa-Franca mediko, fizikisto e matematikisto. Lu esis filiulo di Jean Bernoulli e nevulo di Jacques Bernoulli.

Daniel Bernoulli
Profesiono:	matematikisto, fizikisto, mediko e docisto
Lando:	Suisia
Naskodato:	8 di februaro 1700, 29 di januaro 1700
Nasko-loko:	Groningen, Nederlando
Mortodato:	17 di marto 1782
Morto-loko:	Basel, Suisia

Daniel naskis en Groningen, Nederlando, en familio di eminenta matematikisti. Il esis amiko di Leonhard Euler, e laboris kun lu en multa faki di matematiko e fiziko. En 1723, il ganis premio del akademio pri cienci di Paris. Ta yaro, Prusiana matematikisto Christian Goldbach, qua admiris la konoco da Bernoulli pri matematiko, decidis publikigar la korespondo inter li. En 1724, Ekaterina la 1ma di Rusia invitis lu por esar profesoro che universitato di Sankt-Peterburg. En l'akademio, Bernoulli docis fiziko, e partigis rezideyo kun Leonard Euler, qua arivis al akademio pos lua rekomendo.

Inter altri, ilu developis studii e teorii pri elastikeso, e developis matematikala utensili, exemple diferencial equacioni o serii. Il kunlaboris anke kun Jean le Rond d'Alembert en la studio pri vibranta kordi. Il esis l'unesmo qua uzis simboli por indikar trigonometriala funciono.

Il pasis kelk yari en Sankt-Peterburg kom docisto di matematiko, ma lua maxim importanta laboro facesis che universitato di Basel, ube il instruktis sucedante astronomio, medicino e filozofio.

En 1738 ilu publikigis ilua verko «Hydrodynamica», ube il expozis la fundamentala teorio di fluidodinamiko qua recevis lua nomo - Bernoulli-principo.