La mikra ekonomio e l'okupado di la habitanti di Lesoto dependas de mikra industrio di texuri, de l'agrokultivo e l'edukado di kapri e bovaro, de pekunio sendita da Lesotana laboristi qui vivas exterlande, e de l'exportaco di diamanti ad internaciona merkati, e di aquo por Sudafrika. Quankam cirkume 3/4 de lua habitantaro habitas rurala zoni e kultivas l'agro por obtenar vivo-moyeni, Lesoto produktas nur 20% de la nutrivi quin lu bezonas.
Lesoto importacas de Sudafrika 90% de la vari quin ol konsumas, inkluzite la maxim multa agrokultivala vari. La familii dependas de pekunio sendita da Lesotana laboristi quin laboras precipue en Sudafrikana mineyi e farmeyi, o por familii de Sudafrika, quankam l'employi en mineyi duris diminutar depos la yari 1990a.
