Europol

Europol (olime de Europana Polic-oficeyo, nun oficale: Agenterio dil Europana Uniono por Leg-exekutanta Koopero) esas plur-naciona explor-organizuro e kunlaboro di la polici dil Europana Uniono. La fondo dil organizuro esis registragita en la Traktato di Maastricht (1992), quankam por la faktala fondo aparta traktato inter la membrostati skribesis. Europol esas plene funcionanta depos la 1ma di julio 1999, olua chefa kontoro esas en Den Haag, (Nederlando).

Europol organizas inform-interkambio inter polici di omna 27 membrostati dil Europana Uniono. Kroatia esas la maxim recenta stato qua membrigesis di Europol. Por l'inform-interkambio, la membrostati (e Norvegia qua ne esas membro dil Europana Uniono) livris liganti che Europol.